वनडे वूमन्स ट्राय सीरिज २०२५ : टीव्हीवर थेट प्रेक्षपण नसल्याने चाहते नाराज
कोलंबो : वनडे वूमन्स ट्राय सीरिज २०२५ चा अंतिम सामना भारत आणि श्रीलंका यांच्यात खेळला जाणार आहे. या तिरंगी मालिकेत यजमान श्रीलंका, भारत आणि दक्षिण आफ्रिका या तीन संघांचा समावेश होता. साखळी फेरीतील सामने संपल्यानंतर दक्षिण आफ्रिकेचे आव्हान संपुष्टात आले आहे. त्यामुळे आता मालिकेच्या अंतिम लढतीत कट्टर प्रतिस्पर्धी भारत आणि श्रीलंका आमनेसामने असतील.
या महत्त्वपूर्ण सामन्याकडे क्रिकेट चाहत्यांचे लक्ष लागले आहे. भारतीय महिला संघाचे नेतृत्व हरमनप्रीत कौर करणार आहे, तर श्रीलंकेच्या महिला संघाची धुरा चमारी अटापटूच्या खांद्यावर असेल. दोन्ही संघ अंतिम लढाई जिंकून ट्रॉफी आपल्या नावावर करण्यासाठी उत्सुक असतील.
वूमन्स टीम इंडिया विरुद्ध वूमन्स श्रीलंका यांच्यातील अंतिम सामना रविवार, ११ मे रोजी खेळवला जाईल. भारतीय वेळेनुसार हा सामना सकाळी १० वाजता सुरू होईल. सामन्याच्या अर्धा तास आधी, म्हणजेच सकाळी ९.३० वाजता नाणेफेक (टॉस) होईल.
हा रोमांचक अंतिम सामना श्रीलंकेची राजधानी कोलंबो येथील प्रतिष्ठित आर. प्रेमदासा स्टेडियम मध्ये आयोजित करण्यात आला आहे. या स्टेडियमवर अनेक महत्त्वपूर्ण आंतरराष्ट्रीय सामने खेळले गेले आहेत आणि आता या महिला संघांच्या अंतिम लढाईचा साक्षीदार हे मैदान असेल.
भारतातील क्रिकेट चाहत्यांसाठी एक निराशाजनक बातमी आहे, ती म्हणजे या सामन्याचे थेट प्रक्षेपण दूरदर्शन किंवा इतर कोणत्याही टीव्ही चॅनेलवर केले जाणार नाही. त्यामुळे टीव्हीवर हा सामना पाहता येणार नाही. तथापि, जे चाहते मोबाईल किंवा इतर डिजिटल माध्यमातून सामना पाहू इच्छितात, त्यांच्यासाठी आनंदाची बातमी आहे. वूमन्स टीम इंडिया विरुद्ध वूमन्स श्रीलंका यांच्यातील अंतिम सामन्याचे थेट प्रक्षेपण फॅनकोड ॲप वर उपलब्ध असेल. त्यामुळे क्रिकेटप्रेमी आपल्या मोबाईल फोनवर किंवा इतर स्मार्ट उपकरणांवर हा सामना लाईव्ह पाहू शकतील.
भारतीय संघात अनुभवी आणि युवा खेळाडूंचा चांगला समन्वय आहे. स्मृती मानधना आणि जेमिमाह रॉड्रिग्स यांच्यासारख्या प्रमुख फलंदाज संघासाठी महत्त्वपूर्ण योगदान देऊ शकतात, तर दीप्ती शर्मा आणि स्नेह राणा यांच्यासारख्या अष्टपैलू खेळाडू गोलंदाजी आणि फलंदाजी दोन्हीमध्ये संघाला मदत करू शकतात.
क्रिकेट चाहते या महामुकाबल्याची आतुरतेने वाट पाहत आहेत. दोन्ही संघांमधील खेळाडूंच्या कामगिरीवर आणि कर्णधारांच्या रणनीतीवर या सामन्याचा निकाल अवलंबून असेल. फॅनकोड ॲपच्या माध्यमातून चाहते या सामन्याचा प्रत्येक क्षण अनुभवू शकतील.
हा अंतिम सामना केवळ एका मालिकेचा विजेता ठरवण्यासाठी नाही, तर दोन्ही संघांसाठी आत्मविश्वास वाढवणारा आणि आगामी मोठ्या स्पर्धांसाठी तयारी करणारा देखील असेल. भारतीय महिला संघ सातत्याने चांगली कामगिरी करत आहे आणि या विजयाने त्यांच्या आत्मविश्वासात आणखी वाढ होईल. त्याचप्रमाणे, श्रीलंका संघानेही चांगली प्रगती दर्शवली आहे आणि भारताविरुद्धचा विजय त्यांच्यासाठी एक मोठी उपलब्धी असेल.
साखळी फेरीत दोन्ही संघांची दमदार कामगिरी
भारत आणि श्रीलंका या दोन्ही संघांनी साखळी फेरीत चांगली कामगिरी करत अंतिम फेरीत प्रवेश मिळवला आहे. दोन्ही संघ एकमेंकांना कडवी झुंज देण्यास सज्ज असतील. भारतीय संघाने यापूर्वी अनेक मोठ्या स्पर्धांमध्ये चांगली कामगिरी केली आहे आणि त्यांच्याकडे अनुभवाची शिदोरी आहे. दुसरीकडे, श्रीलंका आपल्या घरच्या परिस्थितीत खेळत असल्यामुळे त्यांना येथील वातावरणाचा आणि खेळपट्टीचा चांगला अंदाज असेल. त्यामुळे हा अंतिम सामना अत्यंत रोमांचक होण्याची शक्यता आहे.
श्रीलंका वूमन्स टीम
हसिनी परेरा, विश्मी गुणरत्ने, हर्षिता समरविक्रमा, चामरी अथापथु (कर्णधार), निलाक्षी डी सिल्वा, मनुडी नानायकका, अनुष्का संजीवनी (विकेटकीपर), देउमी विहंगा, सुगंधिका कुमारी, मलकी मदारा, इनोशी प्रियदर्शनी, इनोका रणवीरा, हंसिमा करुणारत्ने, अचीनी कुलसूरिया, कविशा दिलहरी, रश्मिका शिववंडी आणि पियुमी बादलगे.
इंडिया वूमन्स टीम
प्रतिका रावल, स्मृती मानधना, हरलीन देओल, हरमनप्रीत कौर (कॅप्टन), जेमिमाह रॉड्रिग्स, दीप्ती शर्मा, रिचा घोष (विकेटकीपर), अमनजोत कौर, श्री चरणी, स्नेह राणा, शुची उपाध्याय, काशवी गौतम, यास्तिका भाटिया, तेजल हसबनीस आणि अरुंधती रेड्डी.
आजचा सामना
भारत महिला वि. श्रीलंका महिला
वेळ : सकाळी १० वा.
स्थळ : प्रेमदासा स्टेडियम, कोलंबाे
थेट प्रक्षेपण : फॅन कोड अॅप.
