🚨श्रीनगर : भारताच्या प्रत्युत्तराने बिथरलेल्या पाकिस्तानने गुरुवारी भारताविरुद्ध मोठी आगळीक करण्याचा प्रयत्न केला.
🎯जम्मू आणि काश्मीरसह राजस्थान, पंजाबसारख्या सीमावर्ती राज्यांमधील अनेक शहरांना लक्ष्य करून पाकिस्तानने एकाच वेळी ड्रोन आणि क्षेपणास्त्र हल्ले केले.
✈️मात्र, भारतीय हवाई संरक्षण यंत्रणेने पाकिस्तानचा हा डाव पूर्णपणे उधळून लावला, तसेच भारताच्या हद्दीत घुसण्याचा प्रयत्न करणारी पाकिस्तानची काही लढाऊ विमानेही पाडली.
📍पाकिस्तानने विशेषतः जम्मू विभागावर लक्ष केंद्रित केले. 🌙गुरुवारी रात्री उशिरा आणि पहाटेच्या सुमारास पाकिस्तानी ड्रोननी जम्मू विमानतळ, रेल्वे स्टेशन, चन्नी हिम्मत आणि आर.एस. पुरासारख्या संवेदनशील ठिकाणांवर हल्ल्याचा अयशस्वी प्रयत्न केला. ✈️जम्मू विद्यापीठाजवळ भारतीय हवाई संरक्षण यंत्रणेने दोन पाकिस्तानी ड्रोन पाडले. 🛡️जम्मूतील इतरही अनेक ड्रोन एस-४०० हवाई संरक्षण प्रणालीने प्रभावीपणे नष्ट केले. 🔦या हल्ल्याच्या प्रयत्नांदरम्यान, खबरदारी म्हणून संपूर्ण जम्मू आणि काश्मीरमध्ये ब्लॅकआउट करण्यात आला होता.
🗺️जम्मू आणि काश्मीरशिवाय पाकिस्तानने राजस्थान (जैसलमेर, बारमेर, जोधपूर) आणि पंजाबमधील (जालंधर, पठाणकोट, अमृतसर) सीमावर्ती भागातही ड्रोन हल्ले करण्याचा प्रयत्न केला. 🚀भारताने पाकिस्तानने डागलेली सर्व क्षेपणास्त्रे यशस्वीरित्या पाडली आहेत.
✈️🔥भारताने पाडली पाकिस्तानची लढाऊ विमाने
पाकिस्तानने केवळ ड्रोन आणि क्षेपणास्त्रेच नाहीत, तर लढाऊ विमानांच्या माध्यमातूनही भारतीय हवाई हद्दीत घुसण्याचा प्रयत्न केला. 🛡️मात्र, भारतीय हवाई दलाच्या सतर्कतेमुळे हा प्रयत्नही अयशस्वी ठरला. 💥भारताने विमानविरोधी तोफांचा वापर करून सर्व ड्रोन पाडले, तर भारतीय हवाई दलाने कारवाई करत पाकिस्तानची अनेक लढाऊ विमाने पाडली असल्याचा दावा करण्यात आला आहे. ⚠️यात पाकिस्तानची २ जेएफ-१७ आणि एक एफ-१६ विमान पाडल्याची माहिती आहे. ही विमाने भारतीय हद्दीत घुसण्याचा प्रयत्न करत होती.
⚠️✈️श्रीनगर विमानतळावर हाय अलर्ट
पाकिस्तानच्या आक्रमकतेनंतर श्रीनगर विमानतळावर तातडीने हाय अलर्ट जारी करण्यात आला. 🛡️पाकिस्तानने केलेला हा 'हमास शैलीचा' क्षेपणास्त्र आणि ड्रोन हल्ला भारतीय काउंटर ड्रोन सिस्टीम आणि एस-४०० सारख्या हवाई संरक्षण प्रणालीने पूर्णपणे उधळला. 🇮🇳भारताने पाकिस्तानच्या आक्रमकतेला चोख प्रत्युत्तर देत आपली हवाई संरक्षण सज्जता पुन्हा एकदा सिद्ध केली आहे.
🏛️पंतप्रधान नरेंद्र मोदींना कारवाईची माहिती
पाकिस्तानकडून हल्ल्याच्या प्रयत्नांनंतर भारतीय लष्कराने पंतप्रधान नरेंद्र मोदी यांना प्रत्युत्तरात्मक कारवाईची माहिती दिली आहे. 🕵️राष्ट्रीय सुरक्षा सल्लागार अजित डोभाल या कारवाईवर बारकाईने नजर ठेवून आहेत. ✅भारताने पाकिस्तानचे हल्ल्याचे प्रयत्न यशस्वीपणे हाणून पाडले आहेत.
⚔️५ लष्करी तळांवर हल्ला अयशस्वी
पाकिस्तानने पठाणकोट, उधमपूर, कठुआ, सांबा आणि कालू चक येथील लष्करी तळांवर ड्रोन हल्ल्याचा प्रयत्न केला, मात्र भारतीय सैन्याने हे सर्व प्रयत्न उद्ध्वस्त केले. 🎯जम्मू विद्यापीठाच्या मागील प्रवेशद्वाराजवळ भारतीय सैन्याने तीन पाकिस्तानी ड्रोन पाडल्याचे स्पष्ट झाले आहे.
🏙️दिल्ली सरकारची आपत्कालीन तयारी
दिल्ली सरकारने पाकिस्तानकडून होणाऱ्या तणावपूर्ण हालचालींचा अंदाज घेत सर्व अधिकाऱ्यांच्या रजा रद्द केल्या आहेत. ⏱️त्यांना तातडीने कामावर परतण्याचे आदेश देण्यात आले असून, कोणत्याही आपत्कालीन परिस्थितीसाठी पूर्ण तयारी ठेवण्यावर भर दिला जात आहे.
🎯जम्मूतील हल्ल्याचे लक्ष्य
पाकिस्तानकडून ड्रोन हल्ल्याचा प्रयत्न झालेल्या ठिकाणांमध्ये जम्मू विमानतळ, जम्मू रेल्वे स्टेशन, चन्नी हिम्मत आणि आरएस पुरा या सीमावर्ती भागांचा समावेश आहे. 🛡️भारताच्या अत्याधुनिक एस-४०० हवाई संरक्षण प्रणालीने पाकिस्तानच्या या हल्ल्याच्या प्रयत्नांना यशस्वीपणे हाणून पाडले.
💥भारताचे पाकिस्तानला लाहोरमध्ये जोरदार प्रत्युत्तर 🚀क्षेपणास्त्रे, ड्रोनचा वापर करत चढवले हल्ले
जम्मू आणि काश्मीरसह राजस्थान आणि पंजाबच्या अनेक भागांना लक्ष्य करत पाकिस्तानने एकाच वेळी ड्रोन आणि क्षेपणास्त्र हल्ले केले.
✅मात्र, भारतीय संरक्षण यंत्रणेने पाकिस्तानचा हा डाव पूर्णपणे उधळून लावला.
🔥यानंतर भारतानेही तातडीने प्रत्युत्तर देत पाकिस्तानच्या लाहोर शहरात मोठी कारवाई केली.
🌃गुरुवारी रात्री पाकिस्तानने जम्मू विमानतळासह अनेक भागात ड्रोन आणि क्षेपणास्त्रांनी हल्ला करण्याचा प्रयत्न केला. 🚨पाकिस्तानचा हल्ला सुरू होताच जम्मूच्या सर्व भागात धोक्याचे सायरन वाजू लागले आणि संपूर्ण परिसरातील वीजपुरवठा खंडित करण्यात आला. ⚠️संपूर्ण परिसरात हाय अलर्ट जारी करण्यात आला. 🛡️मात्र, भारताच्या अत्यंत प्रगत एस-४०० हवाई संरक्षण प्रणालीने जम्मूमध्ये पाकिस्तानची ८ क्षेपणास्त्रे अचूकपणे पाडली आणि त्यांचे हल्ले अयशस्वी केले.
⚡पाकिस्तानच्या या आगळीकीनंतर भारताने तातडीने आणि जोरदार प्रत्युत्तर दिले. ✈️भारतीय हवाई दलाने पाकिस्तानच्या लाहोर शहराला लक्ष्य करत अनेक जलद हवाई हल्ले केले. 💥भारताने या हल्ल्यांसाठी क्षेपणास्त्रे आणि ड्रोनचा वापर केला. 🔌भारताच्या हल्ल्यानंतर संपूर्ण लाहोर शहराचा वीजपुरवठा खंडित झाला, जो या कारवाईच्या तीव्रतेचे संकेत देतो. 📊मात्र नुकसानीची माहिती अद्याप प्राप्त झाली नव्हती.
