आगीत खोल्यांतील सर्व सामान जळून खाक झाले. अग्निशमन दलाच्या जवानांनी सुरूवातील तीन गॅस सिलिंडर प्रसंगावधाने बाहेर काढले. यातील दोन सिलिंडरना आग लागली होती. त्यानंतर जवानांनी पाण्याचा फवारा मारून आग नियंत्रणात आणली. त्यामुळे घराची इतर मालमत्ता आगीपासून वाचली.
म्हापसा अग्निशमन दलाचे हवालदार सुरज शेटगावकर, जयेश कळंगुटकर, जितेंद्र नाईक अशोक वळवईकर, आकाश कळंगुटकर, तसेच पर्वरी दलाचे हवालदार सलिम शेख, ईप्रिमो डायस, विकास मोरजकर, महेंद्र नाईक, रोहन नाईक व आर. आर. सावंत या जवानांनी ही आग विझवली. म्हापसा पोलीस हवालदार उल्हास गावकर यानी घटनेचा पंचनामा केला.
