५ ऑक्टोबर रोजी होणाऱ्या हरयाणा विधानसभा निवडणुकीपूर्वी २० दिवसांचा पॅरोल
नवी दिल्ली : गुरमीत राम रहीमला पुन्हा एकदा पॅरोल मिळाला आहे. तो पुन्हा २० दिवसांच्या सशर्त जामिनावर तुरुंगातून बाहेर येणार आहे. त्याने हरयाणा निवडणूक आयोगाकडे आपत्कालीन पॅरोलसाठी अर्ज केला होता, तो मंजूर झाला आहे.
गुरमीत राम रहीम सिंगने ५ ऑक्टोबर रोजी होणाऱ्या हरयाणा विधानसभा निवडणुकीपूर्वी २० दिवसांच्या पॅरोलसाठी अर्ज केला आहे. तो यापूर्वीच ५० दिवसांच्या पॅरोलवर तुरुंगाबाहेर आहे. आता त्याने आणखी २० दिवसांच्या पॅरोलची मागणी केली आहे.
गुरमीत राम रहीमच्या पॅरोलच्या अटींमध्ये तो निवडणुकीपर्यंत हरयाणात राहू शकणार नाही, असाही समावेश आहे. याशिवाय कोणत्याही सामाजिक आणि राजकीय उपक्रमात सहभागी होण्याची परवानगी असणार नाही. एवढेच नाही तर सोशल मीडियाच्या माध्यमातूनही तो लोकांना संबोधित करू शकणार नाही. या अटींचे त्याने कोणत्याही प्रकारे उल्लंघन केल्यास, पॅरोल त्वरित प्रभावाने रद्द केला जाईल. गुरमीत राम रहीमला पॅरोल मंजूर होण्याची ही ११वी वेळ आहे. त्याला पॅरोल मिळाल्यानंतर पुन्हा पुन्हा कारागृहाबाहेर राहण्याची परवानगी का दिली जात आहे, असे प्रश्न उपस्थित केले जात आहेत.
.............
पॅरोल म्हणजे काय?
सर्वप्रथम पॅरोल म्हणजे काय ते जाणून घेऊया. पॅरोल ही एक कायदेशीर प्रक्रिया आहे ज्यामध्ये काही अटींसह कैद्याची तात्पुरती सुटका केली जाते. हे या विश्वासावर आधारित आहे की कैदी सुधारला आहे आणि समाजात परत येण्यास तयार आहे.
.................
भारतात पॅरोलसाठी काय नियम आहेत?
भारतात पॅरोल मंजूर करण्यासाठी एकसमान नियम नाही. पॅरोल मंजूर करण्यासाठी राज्य सरकारे कोणते निकष लावतात हे अवलंबून आहे. तथापि, काही सामान्य निकष आहेत जे बहुतेक राज्यांमध्ये लागू होतात. पॅरोल मंजूर करताना सर्वप्रथम कैद्याच्या वर्तनाचा विचार केला जातो. वास्तविक, तुरुंगात कैद्याच्या चांगल्या वागणुकीची नोंद असायला हवी, तसे नसेल तर त्याला पॅरोल मिळत नाही. याशिवाय कैद्याने शिक्षेचे एक वर्ष पूर्ण केलेले असावे. तसेच, कैद्याने तुरुंगातील पुनर्वसन कार्यक्रमात भाग घेतला पाहिजे आणि कैद्याकडे समाजात परत येण्याचे कारण असणे आवश्यक आहे.
...............
राम रहीम पॅरोलवर कधी बाहेर आला?
राम रहीम याला २४ ऑक्टोबर २०२० रोजी एक दिवसाचा पॅरोल मिळाला होता.
यानंतर तो २१ मे २०२१ रोजी एक दिवसाचा पॅरोल घेऊन तुरुंगातून बाहेर आला होता.
प्रथमच, ७ फेब्रुवारी २०२१ रोजी २१ दिवसांची फर्लो मंजूर करण्यात आली.
१७ जून २९२२ रोजी ३० दिवसांचा पॅरोल मिळाला.
१५ ऑक्टोबर रोजी ८८ दिवसांनी पुन्हा पॅरोल मंजूर करण्यात आला.
२१ जानेवारी २०२३ रोजी ४० दिवसांचा पॅरोल.
२० जुलै रोजी त्याला पुन्हा ३० दिवसांचा पॅरोल मिळाला आणि तो बर्णवा आश्रमात राहिला.
२१ नोव्हेंबर रोजी, बर्नावा २१ दिवसांच्या फर्लोवर पाचव्यांदा पुन्हा आला.
१३ डिसेंबरला पुन्हा तुरुंगात गेला.
१९ जानेवारी २०२४ रोजी ५० दिवसांसाठी पॅरोलवर आला होता, १० मार्च रोजी तुरुंगात परतला होता.
१४ ऑगस्ट २०२४ रोजी तो १०व्यांदा बाहेर पडला.
राम रहीमला १ ऑक्टोबर २०२४ रोजी पुन्हा पॅरोल मिळाला आहे. आता तो २० दिवस तुरुंगाबाहेर काढणार आहे.
