टीव्हीच्या दुनियेत आपल्या करिअरची सुरुवात करणारा अभिनेता विक्रांत मॅसी आज खूप प्रसिद्ध झाला आहे. खरे तर त्याच्या '१२वी फेल' या सुपरहिट चित्रपटाने लोकांच्या मनात त्याच्यासाठी एक खास स्थान निर्माण केले आहे. विक्रांत मॅसीने आपल्या करिअरची सुरुवात टीव्ही मालिकांमधून केली आणि बॉलिवूडमध्येही आपला ठसा उमटवला आहे.
विक्रांत मॅसीची अभिनय कारकीर्द
विक्रांत मॅसीने 'लुटेरा' आणि 'हसीन दिलरुबा' सारख्या हिट चित्रपटांमध्ये काम केले आहे. याशिवाय 'मिर्झापूर' आणि 'क्रिमिनल जस्टिस' यांसारख्या दमदार वेब सीरिजमध्येही तो दिसला आहे. सध्या तो त्याच्या '१२वी फेल' या चित्रपटामुळे लोकांमध्ये चर्चेचा विषय आहे.
'१२वी फेल'साठी एवढे घेतले मानधन
विक्रांत मॅसीने '१२वी फेल' या चित्रपटात आयपीएस अधिकारी मनोज कुमार शर्मा यांची भूमिका साकारली आहे. या चित्रपटासाठी त्याने दीड कोटी रुपये मानधन घेतले आहे.
विक्रांत मॅसीची एकूण संपत्ती
मीडिया रिपोर्ट्सनुसार, आज विक्रांत मॅसी सुमारे २० कोटी रुपयांच्या मालमत्तेचा मालक आहे. एका चित्रपटासाठी तो दीड ते दोन कोटी रुपये घेतो. चित्रपटांव्यतिरिक्त, तो अनेक ब्रँड एंडोर्समेंटमधूनही भरपूर कमाई करतो. एका जाहिरातीसाठी तो ४० ते ५० लाख रुपये घेतो.
विक्रांत मॅसीचे आलिशान घर
विक्रांत मॅसी लवकरच पिता होणार आहे. तो पत्नी शीतल ठाकूरसोबत मुंबईतील एका पॉश भागात एका आलिशान अपार्टमेंटमध्ये राहतो. या सी-फेसिंग अपार्टमेंटमध्ये अनेक प्रकारच्या सुविधा उपलब्ध आहेत. विक्रांतच्या या अपार्टमेंटची किंमत करोडोंमध्ये आहे जी त्याने लग्नापूर्वी खरेदी केली होती.
महागड्या गाड्यांचा शौक
विक्रांत मॅसीला महागड्या कार आणि बाइक्सची खूप आवड आहे. त्यांच्याकडे वाल्वो एस९०-डी४ कार आहे, ज्याची किंमत ६० लाखांपेक्षा जास्त आहे. याशिवाय त्याच्याकडे डुकाटी मॉन्स्टर बाईक देखील आहे ज्याने तो लाँग राइड्सवर जातो.