बॉलिवूड अभिनेता सिद्धार्थ मल्होत्रा आणि कियारा अडवाणी सध्या खूप चर्चेत आहेत. या दोघांशी संबंधित एक ना एक बातम्या सतत समोर येत असतात. काही दिवसांपूर्वी या दोघांच्या लग्नाशी संबंधित बातम्या खूप व्हायरल झाल्या होत्या. अनेक मीडिया रिपोर्ट्समध्ये असा दावा करण्यात आला होता की, दोघेही लवकरच लग्न करणार आहेत. यानंतर सिद्धार्थ मल्होत्रानेही आपल्या लग्नाबाबत अनेकदा विधाने केली होती. पण कधीच स्पष्ट बोलला नाही. याशिवाय कियारा अडवाणीने अद्याप याबाबत कोणतेही वक्तव्य केलेले नाही. दरम्यान, आता सिद्धार्थ मल्होत्रा आणि कियारा अडवाणी पुन्हा चर्चेत आले आहेत, मात्र यावेळी ही बातमी लग्नाची नसून काहीतरी वेगळीच आहे.
शेरशाह या चित्रपटात सिद्धार्थ मल्होत्रा आणि कियारा अडवाणी एकत्र दिसले होते, तेव्हापासून चाहते दोघांना पुन्हा एकदा ऑनस्क्रीन पाहण्याची वाट पाहत आहेत. दरम्यान, काही छायाचित्रे समोर आली आहेत. ज्यामध्ये सिद्धार्थ मल्होत्रा आणि कियारा अडवाणी एकत्र दिसत आहेत. मीडिया रिपोर्ट्सनुसार, हा फोटो एका अॅड शूट दरम्यान घेण्यात आला आहे. या दोन्ही फोटोंमध्ये सिद्धार्थ मल्होत्रा आणि कियारा अडवाणी खूपच क्यूट दिसत आहेत. या दोघांचा हा फोटो समोर येताच सोशल मीडियावर व्हायरल झाला.
