पणजी : गोवा पोलीस खात्यातील (Goa Police Department) ५ पोलीस उपनिरीक्षकांसह एकूण ७८१ पोलीस कर्मचाऱ्यांच्या बदल्यांचे अधिकृत आदेश जारी करण्यात आले आहेत. नियमित प्रशासकीय प्रक्रियेचा भाग म्हणून या बदल्या करण्यात आल्या आहेत.
जारी करण्यात आलेल्या आदेशानुसार, विविध पोलीस ठाणे, विशेष शाखा आणि विभागांमध्ये कार्यरत अधिकारी व कर्मचाऱ्यांची राज्यभरातील वेगवेगळ्या ठिकाणी बदली करण्यात आली आहे. पोलीस दलातील मनुष्यबळाचे प्रभावी नियोजन, कामकाजात अधिक समन्वय आणि कार्यक्षमतेत वाढ करण्याच्या उद्देशाने हा निर्णय घेण्यात आल्याचे सांगण्यात येत आहे.
बदली झालेल्या अधिकारी व कर्मचाऱ्यांनी आदेशानुसार निर्धारित मुदतीत नव्या नियुक्तीच्या ठिकाणी रुजू होण्याचे निर्देश देण्यात आले आहेत. प्रशासनात नव्या जबाबदाऱ्यांचे वाटपही करण्यात आले आहे.
