परिसरात घबराट
पैंगीण : काणकोण येथील श्रीस्थळ ग्रामपंचायतीच्या गवळीवाडा येथील एका घराच्या व्हरांड्यात बिबट्या पोहोचल्याने घबराट पसरली आहे. सीसीटीव्ही फूटेजमध्ये बिबट्या घराच्या व्हरांड्यात जाताना दिसत आहे. अंगणात तसेच येथील शाळेच्या परिसरातही बिबट्या फिरताना दिसत आहे.
श्रीस्थळ ग्रामपंचायतीचे सरपंच शिवराज देशमुख यांनी सांगितले की, सीसीटीव्ही फूटेजमध्ये बिबट्या सर्वत्र फिरताना दिसत आहे. घराच्या व्हरांड्यात, अंगणात आणि शाळेच्या परिसरात फिरताना दिसत आहे. बिबट्या गेल्या तीन-चार दिवसांपासून रात्रीच्या वेळी घराच्या आसपास फिरत आहे आणि गवळीवाडा परिसरात मुले खेळत असताना सूर्यास्ताच्या वेळीही तो दिसतो.
बिबट्या रात्रीच्या वेळी या परिसरात वारंवार फिरत असल्याने घबराट पसरली आहे. वडामळ ते श्री मल्लिकार्जुन मंदिराकडे जाणाऱ्या रस्त्याजवळ ही घरे आहेत.
देशमुख यांनी पुढे सांगितले की, त्यांनी वन विभागाला आधीच माहिती दिली आहे. बिबट्याला प्राधान्याने त्या भागातून दुसरीकडे हलवण्यास सांगितले आहे. बिबट्या सुमारे तीन वर्षांचा आहे.
