साहित्य:
२ ते ३ कच्चे आंबे (कैऱ्या)
१ कप गूळ (बारीक चिरलेला)
चवीनुसार मीठ
१ बारीक चमचा काळं मीठ
१ बारीक चमचा भाजलेली जिरे पावडर
१ बारीक चमचा वेलची पावडर
३ ते ४ कप पाणी
कृती:
१. कच्चे आंबे स्वच्छ धुवून त्याची साल काढून घ्या आणि गर वेगळा करा.
२. आता कुकरमध्ये २-३ शिट्ट्या देऊन हा गर चांगला शिजवून घ्या.
३. शिजलेला गर पूर्णपणे थंड झाल्यावर मिक्सरच्या भांड्यात काढा.
४. त्यात १ कप गूळ घालून छान गुळगुळीत पेस्ट तयार करा.
५. आता या पेस्टमध्ये साधे मीठ, काळं मीठ, जिरे पावडर आणि वेलची पावडर घालून व्यवस्थित मिसळा.
६. शेवटी आवडीनुसार (सुमारे ३-४ कप) थंड पाणी घालून सरबत तयार करा.
७. तयार पन्हे थंड होण्यासाठी फ्रीजमध्ये ठेवा आणि सर्व्ह करताना हवे असल्यास बर्फाचे खडे टाका.
उन्हाळ्याच्या दिवसांत शरीराला थंडावा देण्यासाठी हे पन्हे अत्यंत गुणकारी आहे!
- शिल्पा रामचंद्र, मांद्रे
