भारतात उर्जा क्षेत्रात मोठ्या संधी
मडगाव : भारत (India) ऊर्जा क्षेत्रातील (Energy sector) मोठ्या संधींचे केंद्र बनले असून; जगातील सर्वात वेगाने वाढणारी अर्थव्यवस्था आहे. भारत युरोपियन युनियन (European Union) (ईयू) मुक्त व्यापार करार हा सर्व करारांची जननी असल्याचे वर्णन पंतप्रधान नरेंद्र मोदी यांनी करतानाच यामुळे व्यापार, गुंतवणूक, उत्पादन आणि रोजगारासाठी मोठ्या संधी निर्माण होतील. जागतिक अर्थव्यवस्थेत भारताची भूमिका मजबूत होईल, असे स्पष्ट केले.
बेतूल येथे इंडिया एनर्जी वीकचे आयोजन करण्यात आलेले असून; जगभरातील प्रतिनिधी याठिकाणी आलेले आहेत. पंतप्रधान नरेंद्र मोदी यांनी व्हिडिओ कॉन्फरन्सिंगद्वारे इंडिया एनर्जी वीकच्या उद्घाटन सत्राला संबोधित केले. पंतप्रधान नरेंद्र मोदी यांनी सांगितले की, १२५ देशांचे प्रतिनिधी गोव्यात चर्चेसाठी एकत्र आले आहेत. इंडिया एनर्जी वीक अल्पावधीतच संवाद आणि कृतीसाठी जागतिक व्यासपीठ म्हणून उदयास आला आहे. भारत हा ऊर्जा क्षेत्रात प्रचंड संधींचा देश आहे. देशाची अर्थव्यवस्था जगातील सर्वात वेगाने वाढत आहे, म्हणजेच ऊर्जेशी संबंधित उत्पादनांची मागणी सतत वाढत आहे. भारत जागतिक मागणी पूर्ण करण्यास आणि संधी प्रदान करण्यास सक्षम आहे.
भारताच्या निर्यात क्षमतेवर प्रकाश टाकताना पंतप्रधान म्हणाले, भारत सध्या जगातील पेट्रोलियम उत्पादनांच्या पाच प्रमुख निर्यातदारांमध्ये आहे. भारत १५० हून अधिक देशांमध्ये वस्तूंची निर्यात करतो. भारताची ही क्षमता तुमच्यासाठी खूप उपयुक्त ठरेल. भागीदारी शोधण्यासाठी हे ऊर्जा सप्ताह व्यासपीठ एक उत्तम ठिकाण आहे.
भारत आणि युरोपियन युनियनमध्ये एक मोठा करार झाला आहे. जगभरातील लोक सर्व करारांची जननी म्हणून त्याची चर्चा करत असल्याचे पंतप्रधान मोदी म्हणाले. या करारामुळे भारतातील १.४ अब्ज लोक आणि युरोपियन देशांमधील लाखो लोकांना प्रचंड संधी मिळाल्या आहेत. जगातील दोन सर्वात मोठ्या अर्थव्यवस्थांमधील सहकार्याचे हे एक उत्तम उदाहरण बनले आहे. हा करार जागतिक जीडीपीच्या अंदाजे २५ टक्के आणि जागतिक व्यापाराच्या एक तृतीयांश भागाचे प्रतिनिधित्व करतो. भारत आणि युरोपियन युनियनमधील करार व्यापार तसेच लोकशाही आणि कायद्याच्या राज्यासाठी आमच्या सामायिक वचनबद्धतेची पुष्टी करतो. युरोपियन युनियनसोबतच्या या एफटीएचा फायदा आशिया-पॅसिफिक व्यापार करारालाही होईल. कपड्यांचा व्यवसाय, चामडे आणि बूट उद्योग आणि रत्ने आणि दागिने यांसारख्या क्षेत्रात काम करणार्यांसाठी हा करार उपयुक्त ठरेल. यामुळे देशातील उत्पादन वाढेल आणि सेवा क्षेत्रालाही मदत होईल. भारत- युरोपियन युनियन एफटीए जगातील प्रत्येक उद्योजक आणि गुंतवणूकदाराचा आत्मविश्वास देखील मजबूत करेल, असे पंतप्रधान मोदी म्हणाले.
भारताने एक्सप्लोरेशन क्षेत्राला मोठ्या प्रमाणात खुले केले असून; या दशकाच्या अखेरपर्यंत तेल व वायू क्षेत्रात १०० अब्ज डॉलरच्या गुंतवणुकीसाठी प्रयत्न होत आहेत. भारत रिफायनिंग क्षमतेच्या बाबतीत जगात दुसर्या स्थानावर आहे आणि लवकरच पहिल्या क्रमांकावर येईल. सध्या भारताची रिफायनिंग क्षमता सुमारे २६० एमएमपीटीए असून ती जी ३०० एमएमपीटीएपर्यंत वाढवण्याचे प्रयत्न सुरू आहेत. भारतात एलएनजीची मागणी वाढत आहे. देशाच्या एकूण ऊर्जा गरजेपैकी १५ टक्के एलएनजीद्वारे पूर्ण करण्याचे उद्दिष्ट आहे. एलएनजी वाहतुकीसाठी जहाजे भारतातच बनवण्यावर काम सुरू आहे. एलएनजी वाहतुकीसाठी मोठ्या पाइपलाइन नेटवर्कची गरज आहे, ज्यात गुंतवणुकीच्या मोठ्या संधी आहेत. अनेक शहरांमध्ये सिटी गॅस वितरण नेटवर्क पोहोचले आहे, जे गुंतवणुकीसाठी एक आकर्षक क्षेत्र आहे, असे ते म्हणाले.
भारत आता ऊर्जा सुरक्षापलीकडे जाऊन ऊर्जा स्वातंत्र्याच्या मिशनवर काम करत आहे. भारत एक असे ऊर्जा क्षेत्र इकोसिस्टम विकसित करत आहे, जे भारताची स्थानिक मागणी पूर्ण करेल आणि परवडणार्या रिफायनिंग आणि वाहतूक सोल्यूशन्ससह जगासाठी स्पर्धात्मक निर्यात देखील करेल. पंतप्रधान मोदी यांनी ‘मेक इन इंडिया’, ‘इनोव्हेट इन इंडिया’, ‘स्केल विथ इंडिया’ आणि ‘इन्व्हेस्ट इन इंडिया’ याचा संदर्भ देत ऊर्जा क्षेत्रात ५०० अब्ज डॉलरच्या गुंतवणुकीच्या संधी असल्याचे पंतप्रधान मोदी यांनी सांगितले.मडगाव : भारत (India) ऊर्जा क्षेत्रातील (Energy sector) मोठ्या संधींचे केंद्र बनले असून; जगातील सर्वात वेगाने वाढणारी अर्थव्यवस्था आहे. भारत युरोपियन युनियन (European Union) (ईयू) मुक्त व्यापार करार हा सर्व करारांची जननी असल्याचे वर्णन पंतप्रधान नरेंद्र मोदी यांनी करतानाच यामुळे व्यापार, गुंतवणूक, उत्पादन आणि रोजगारासाठी मोठ्या संधी निर्माण होतील. जागतिक अर्थव्यवस्थेत भारताची भूमिका मजबूत होईल, असे स्पष्ट केले.
बेतूल येथे इंडिया एनर्जी वीकचे आयोजन करण्यात आलेले असून; जगभरातील प्रतिनिधी याठिकाणी आलेले आहेत. पंतप्रधान नरेंद्र मोदी यांनी व्हिडिओ कॉन्फरन्सिंगद्वारे इंडिया एनर्जी वीकच्या उद्घाटन सत्राला संबोधित केले. पंतप्रधान नरेंद्र मोदी यांनी सांगितले की, १२५ देशांचे प्रतिनिधी गोव्यात चर्चेसाठी एकत्र आले आहेत. इंडिया एनर्जी वीक अल्पावधीतच संवाद आणि कृतीसाठी जागतिक व्यासपीठ म्हणून उदयास आला आहे. भारत हा ऊर्जा क्षेत्रात प्रचंड संधींचा देश आहे. देशाची अर्थव्यवस्था जगातील सर्वात वेगाने वाढत आहे, म्हणजेच ऊर्जेशी संबंधित उत्पादनांची मागणी सतत वाढत आहे. भारत जागतिक मागणी पूर्ण करण्यास आणि संधी प्रदान करण्यास सक्षम आहे.
भारताच्या निर्यात क्षमतेवर प्रकाश टाकताना पंतप्रधान म्हणाले, भारत सध्या जगातील पेट्रोलियम उत्पादनांच्या पाच प्रमुख निर्यातदारांमध्ये आहे. भारत १५० हून अधिक देशांमध्ये वस्तूंची निर्यात करतो. भारताची ही क्षमता तुमच्यासाठी खूप उपयुक्त ठरेल. भागीदारी शोधण्यासाठी हे ऊर्जा सप्ताह व्यासपीठ एक उत्तम ठिकाण आहे.
भारत आणि युरोपियन युनियनमध्ये एक मोठा करार झाला आहे. जगभरातील लोक सर्व करारांची जननी म्हणून त्याची चर्चा करत असल्याचे पंतप्रधान मोदी म्हणाले. या करारामुळे भारतातील १.४ अब्ज लोक आणि युरोपियन देशांमधील लाखो लोकांना प्रचंड संधी मिळाल्या आहेत. जगातील दोन सर्वात मोठ्या अर्थव्यवस्थांमधील सहकार्याचे हे एक उत्तम उदाहरण बनले आहे. हा करार जागतिक जीडीपीच्या अंदाजे २५ टक्के आणि जागतिक व्यापाराच्या एक तृतीयांश भागाचे प्रतिनिधित्व करतो. भारत आणि युरोपियन युनियनमधील करार व्यापार तसेच लोकशाही आणि कायद्याच्या राज्यासाठी आमच्या सामायिक वचनबद्धतेची पुष्टी करतो. युरोपियन युनियनसोबतच्या या एफटीएचा फायदा आशिया-पॅसिफिक व्यापार करारालाही होईल. कपड्यांचा व्यवसाय, चामडे आणि बूट उद्योग आणि रत्ने आणि दागिने यांसारख्या क्षेत्रात काम करणार्यांसाठी हा करार उपयुक्त ठरेल. यामुळे देशातील उत्पादन वाढेल आणि सेवा क्षेत्रालाही मदत होईल. भारत- युरोपियन युनियन एफटीए जगातील प्रत्येक उद्योजक आणि गुंतवणूकदाराचा आत्मविश्वास देखील मजबूत करेल, असे पंतप्रधान मोदी म्हणाले.
भारताने एक्सप्लोरेशन क्षेत्राला मोठ्या प्रमाणात खुले केले असून; या दशकाच्या अखेरपर्यंत तेल व वायू क्षेत्रात १०० अब्ज डॉलरच्या गुंतवणुकीसाठी प्रयत्न होत आहेत. भारत रिफायनिंग क्षमतेच्या बाबतीत जगात दुसर्या स्थानावर आहे आणि लवकरच पहिल्या क्रमांकावर येईल. सध्या भारताची रिफायनिंग क्षमता सुमारे २६० एमएमपीटीए असून ती जी ३०० एमएमपीटीएपर्यंत वाढवण्याचे प्रयत्न सुरू आहेत. भारतात एलएनजीची मागणी वाढत आहे. देशाच्या एकूण ऊर्जा गरजेपैकी १५ टक्के एलएनजीद्वारे पूर्ण करण्याचे उद्दिष्ट आहे. एलएनजी वाहतुकीसाठी जहाजे भारतातच बनवण्यावर काम सुरू आहे. एलएनजी वाहतुकीसाठी मोठ्या पाइपलाइन नेटवर्कची गरज आहे, ज्यात गुंतवणुकीच्या मोठ्या संधी आहेत. अनेक शहरांमध्ये सिटी गॅस वितरण नेटवर्क पोहोचले आहे, जे गुंतवणुकीसाठी एक आकर्षक क्षेत्र आहे, असे ते म्हणाले.
भारत आता ऊर्जा सुरक्षापलीकडे जाऊन ऊर्जा स्वातंत्र्याच्या मिशनवर काम करत आहे. भारत एक असे ऊर्जा क्षेत्र इकोसिस्टम विकसित करत आहे, जे भारताची स्थानिक मागणी पूर्ण करेल आणि परवडणार्या रिफायनिंग आणि वाहतूक सोल्यूशन्ससह जगासाठी स्पर्धात्मक निर्यात देखील करेल. पंतप्रधान मोदी यांनी ‘मेक इन इंडिया’, ‘इनोव्हेट इन इंडिया’, ‘स्केल विथ इंडिया’ आणि ‘इन्व्हेस्ट इन इंडिया’ याचा संदर्भ देत ऊर्जा क्षेत्रात ५०० अब्ज डॉलरच्या गुंतवणुकीच्या संधी असल्याचे पंतप्रधान मोदी यांनी सांगितले.
