लाईन ब्लॉक आणि पॉवर ब्लॉकच्या कामामुळे दक्षिण पश्चिम रेल्वेचा निर्णय
मडगाव: वास्को, सांकवाळ आणि कांसावली या रेल्वे विभागादरम्यान लाईन ब्लॉक व पॉवर ब्लॉकचे महत्त्वाचे काम करावयाचे आहे. त्यामुळे दक्षिण पश्चिम रेल्वेने १८ नोव्हेंबरपासून ४५ दिवसांसाठी म्हणजेच १ जानेवारी २०२६ पर्यंत वास्को-कुळे-वास्को ही रेल्वेसेवा पूर्णपणे रद्द केलेली आहे.
दक्षिण पश्चिम रेल्वेने अधिसूचित केल्यानुसार, १८ नोव्हेंबर २०२५ ते १ जानेवारी २०२६ या कालावधीत वास्को द गामा-सांकवाळ-कांसावली विभागादरम्यान लाईन ब्लॉक आणि पॉवर ब्लॉकचे काम करण्यात येणार आहे. या कामांसाठी रेल्वे क्रमांक ५६९६४ (वास्को ते कुळे) आणि रेल्वे क्रमांक ५६९६३ (कुळे ते वास्को द गामा) या दोन्ही सेवा पूर्णपणे रद्द करण्यात आल्या आहेत. यापूर्वी १६ ऑक्टोबर ते १५ नोव्हेंबर अशा ३१ दिवसांच्या कालावधीसाठी ही वास्को-कुळे-वास्को डेमू रेल्वे रद्द करण्यात आली होती.
