•
नेपाळमधील ‘जनरेशन-झेड’ आंदोलनाने हिंसक वळण घेतल्यानंतर पंतप्रधान के. पी. शर्मा ओली यांनी मंगळवारी आपल्या पदाचा राजीनामा दिला. आंदोलकांनी पंतप्रधान ओली आणि माहिती प्रसारण मंत्री पृथ्वी सुब्बा गुरुंग यांची खासगी निवासस्थाने जाळून टाकली. एका दिवसापूर्वी झालेल्या पोलीस कारवाईत १९ जणांचा मृत्यू झाल्यानंतर नेपाळमधील परिस्थिती अधिकच चिघळली होती.
🇳🇵
सरकार कोसळले: प्रमुख राजीनामे
- पंतप्रधान: के. पी. शर्मा ओली
- गृहमंत्री: रमेश लेखक
- कृषिमंत्री: राम नाथ अधिकारी
🔥
आंदोलनाचे हिंसक वळण
देशभरात जाळपोळ आणि घुसखोरी
नेत्यांची घरे लक्ष्य
आंदोलकांनी पंतप्रधान ओली, माजी पंतप्रधान प्रचंड व देउबा, परराष्ट्र मंत्री, ऊर्जामंत्री आणि माहिती मंत्र्यांची घरे जाळली किंवा तोडफोड केली.
संसद परिसरात घुसखोरी
आंदोलकांनी संसद भवनात घुसण्याचा प्रयत्न केला. त्यानंतर लष्कर व आंदोलक आमनेसामने आले आणि हवेत गोळीबार करण्यात आला.
काठमांडू विमानतळ बंद
सुरक्षेच्या कारणास्तव त्रिभुवन आंतरराष्ट्रीय विमानतळावरील विमानसेवा स्थगित करण्यात आली आहे. भारतीयांसाठी हेल्पलाइन क्रमांक जारी केले आहेत.