कोलकाता विरुद्ध बंगळुरू सामन्याने होणार स्पर्धेला प्रारंभ
कोलकाता: आयपीएल २०२५ च्या उत्सवाला आता सुरुवात होणार आहे. यंदाच्या हंगामाचा पहिला सामना गतविजेता कोलकाता नाईट रायडर्स आणि रॉयल चॅलेंजर्स बंगळुरू यांच्यात होणार आहे. हा हायव्होल्टेज सामना कोलकाताच्या ईडन गार्डन्स स्टेडियमवर रंगणार आहे. दोन्ही संघ नव्या नेतृत्वाखाली मैदानात उतरणार असल्याने चाहत्यांमध्ये उत्सुकता शिगेला पोहोचली आहे.
कोलकाता आणि बंगळुरू यांच्यातील हेड टू हेड आकडेवारी पाहता केकेआरचा वरचष्मा स्पष्ट दिसतो. आतापर्यंत दोन्ही संघ ३४ वेळा आमनेसामने आले आहेत. त्यापैकी २० सामन्यांमध्ये कोलकाताने विजय मिळवला, तर १४ सामन्यांमध्ये बंगळुरूने बाजी मारली आहे. यंदाही केकेआरला आपल्या घरच्या मैदानाचा मोठा फायदा होऊ शकतो.
रॉयल चॅलेंजर्स बंगळुरूच्या प्लेइंग इलेव्हनमध्ये मोठे बदल झाले आहेत. संघाची सुरुवात विराट कोहली आणि फिलिप सॉल्ट करणार असून, देवदत्त पडिक्कल तिसऱ्या क्रमांकावर फलंदाजीस उतरणार आहे. कर्णधार रजत पाटीदार चौथ्या क्रमांकावर खेळणार असून, संघात लियाम लिविंगस्टन, जितेश शर्मा, क्रुणाल पांड्या आणि भुवनेश्वर कुमार यांसारखे खेळाडू असणार आहेत.
कोलकाताच्या संघातही मोठे बदल झाले आहेत. संघाची ओपनिंग जोडी सुनील नरेन आणि क्विंटन डी कॉक असणार आहे. यावेळी संघाची सूत्रे कर्णधार अजिंक्य रहाणे सांभाळणार असून, तो तिसऱ्या क्रमांकावर फलंदाजीला उतरणार आहे. मधल्या फळीमध्ये वेंकटेश अय्यर, अंगकृष रघुवंशी, रिंकू सिंग आणि आंद्रे रसेल यांच्यावर मोठी जबाबदारी असणार आहे. गोलंदाजी विभागात स्पेन्सर जॉन्सन, वैभव अरोरा, हर्षित राणा आणि वरुण चक्रवर्ती संघासाठी महत्त्वाचे ठरणार आहेत.
📌 संभाव्य प्लेइंग इलेव्हन:
🟡 कोलकाता नाइट रायडर्स: सुनील नरेन, क्विंटन डी कॉक (यष्टिरक्षक), अजिंक्य रहाणे (कर्णधार), वेंकटेश अय्यर, अंगकृष रघुवंशी, रिंकू सिंग, आंद्रे रसेल, रमनदीप सिंग, स्पेन्सर जॉन्सन, वैभव अरोरा, हर्षित राणा / वरुण चक्रवर्ती.
🔴 रॉयल चॅलेंजर्स बंगळुरू: फिलिप सॉल्ट, विराट कोहली, देवदत्त पडिक्कल, रजत पाटीदार (कर्णधार), लियाम लिविंगस्टन, जितेश शर्मा (यष्टिरक्षक), टिम डेविड, क्रुणाल पांड्या, भुवनेश्वर कुमार, जोश हेजलवूड, यश दयाल / सुयश शर्मा.
