दुचाकीस्वाराला वाचवताना बस रेलिंगला धडकली आणि उलटली, बसमध्ये होते ३० प्रवासी होते.
गोंदिया : महाराष्ट्रातील गोदिंया येथे शुक्रवारी दुपारी झालेल्या बसच्या भीषण अपघातात १२ प्रवाशांचा मृत्यू झाला. तर १८ हून अधिक प्रवासी गंभीर जखमी झाले आहेत. यापैकी १० जणांची प्रकृती चिंताजनक असल्याचे समोर आले आहे. महाराष्ट्र राज्य परिवहन महामंडळाची शिवशाही बस (एमएच ०९ ईएम १२७३) भंडाराहून गोंदियाकडे येत होती. गोंदियापासून ३० किमी अंतरावर असलेल्या खजरी गावाजवळ हा अपघात झाला.
समोर आलेल्या माहितीनुसार ही घटना दुपारी १२.३० च्या सुमारास घडली. एका दुचाकीस्वाराला वाचविण्याच्या प्रयत्नात बस चालकाचे नियंत्रण सुटले आणि बस रस्त्याच्या कडेला असलेल्या रेलिंगला आदळून उलटली. अपघातानंतर चालकाने घटनास्थळावरून पळ काढला. जखमींना जवळच्या रुग्णालयात दाखल करण्यात आले आहे. मृतांचा आकडा वाढू शकतो. घटनेची माहिती मिळताच महाराष्ट्राचे काळजीवाहू मुख्यमंत्री एकनाथ शिंदे यांनी मृतांच्या कुटुंबीयांना प्रत्येकी १० लाख रुपयांची भरपाई जाहीर केली.
बातमी अपडेट होत आहे.
