अनन्या पांडेच्या आगामी कॉमेडी मालिका ‘कॉल मी बे’ पासून ते ॲक्शन थ्रिलर ‘तनाव सीझन २’ पर्यंत, या शुक्रवारी नवीन ओटीटी रिलीजच्या यादीमध्ये अनेक रोमांचक चित्रपट आणि वेब शो समाविष्ट आहेत. यामध्ये फरदीन खान आणि रितेश देशमुख यांचा क्राईम थ्रिलर विस्फोट किल, हॉरर फिल्म इमॅक्युलेट आणि बरेच चित्रपट मालिका प्रदर्शित होणार आहे.
रिबेल रिज (नेटफ्लिक्स)
क्शन थ्रिलर चित्रपट रिबेल रिज शुक्रवारी नेटफ्लिक्सवर झळकणार आहे. हा चित्रपट एका माजी मरीनवर आधारित आहे. जो आपल्या भावाला जमीन देण्यासाठी चुकीच्या पद्धतीने कायद्याचा वापर करतो आणि संकटात सापडतो.
सिलिंग सनसेट सीझन ८ (नेटफ्लिक्स)
नेटफ्लिक्स त्याचा लोकप्रिय रिॲलिटी शो - सेलिंग सनसेटच्या नवीन सीझनसह परत आले आहे. जो ओपेनहाइम ग्रुप या उच्च श्रेणीतील रिअल इस्टेट एजन्सीवर केंद्रित आहे. या सिरीजमध्ये ॲलाना व्हिटेकर, जे क्रिशेल स्टॉझ, मेरी फिट्झगेराल्ड, ब्रेट ओपेनहाइम आणि जेसन ओपेनहेम यांचा समावेश आहे.
कॉल मी बे (अॅमेझॉन प्राइम व्हिडिओ)
ही कॉमेडी मालिका बेला चौधरी (अनन्या पांडे) हिच्या आयुष्यावर आधारीत आहे. दक्षिण दिल्लीतील एक बिघडलेल्या श्रीमंत घरातील मुलीला कुटुंबाने नाकारल्यानंतर नवीन जीवन सुरू करण्यासाठी ती मुंबईला जाण्याचा निर्णय घेते. त्यानंतर तिला अनेक संकटांचा सामना करावा लागलो. या मालिकेत वरुण सूद, वीर दास, गुरफतेह पिरजादा आणि विहान सामत यांच्याही भूमिका आहेत.
तनाव सीझन २ (सोनी लिव्ह)
‘तनाव’चे निर्माते ॲक्शन थ्रिलरच्या नवीन सीझनसह परतले आहेत. jही मालिका कबीर नावाच्या विशेष टास्क फोर्स ऑफिसर आणि त्याच्या टीम सदस्यांच्या अवतीभवती फिरते. जे दहशतवादविरोधी धोकादायक ऑपरेशन्स करतात. यापैकी एका मोहिमेदरम्यान, कबीरचा एक जुना शत्रू, अल दमास्कशी सामना होतो, जो कबीरच्या स्पेशल टास्क ग्रुपने मारलेल्या आपल्या वडिलांचा बदला घेण्यासाठी येतो. तणाव हा इस्त्रायली टीव्ही मालिका फौदाचा रिमेक आहे.
डिटेक्टिव्ह कॉनन वि. द फँटम थीफ (थिएटर)
हा ॲनिमेटेड चित्रपट कुरोहा कैदो नावाच्या हायस्कूल विद्यार्थ्याच्या जीवनावर आधारित आहे, ज्याला त्याच्या दिवंगत वडिलांची फँटम थीफ किड म्हणून गुप्त ओळखीची सत्यता कळते. यानंतर, तो त्याच्या वडिलांच्या मृत्यूसाठी जबाबदार असलेल्या एका रहस्यमय संस्थेचे गूढ उकलण्याच्या मोहिमेवर निघतो.
किल (डिस्ने+ हॉटस्टार)
कॉल मी बे, सेलिंग सनसेट सीझन ८ आणि इतर नवीन ओटीटी प्रकाशनांव्यतिरिक्त, या यादीमध्ये किलचा देखील समावेश आहे. हा चित्रपट अमृत राठोड (लक्ष्य) नावाच्या आर्मी कमांडरभोवती फिरतो, जो आपली मैत्रीण तुलिका (तान्या माणिकतला) हिचे लग्न थांबवण्यासाठी नवी दिल्लीला जाणाऱ्या ट्रेनमध्ये चढतो. पण एक गुंडांची टोळी तिचे अपहरण करते. तेव्हा राठोड तुलिकाला वाचवण्यासाठी आणि ट्रेनमधील इतर नागरिकांचे रक्षण करण्यासाठी त्या टोळीशी लढतो.
इन द लँड ऑफ सेंट्स अँड सिनर्स (लायन्सगेट प्ले)
रॉबर्ट लॉरेन्झ दिग्दर्शित, इन द लँड ऑफ सेंट्स अँड सिनर्स फिनबार मर्फीची कथा सांगते, ज्याला त्याच्या शांत किनारपट्टीवरील आयरिश शहरात त्याच्या भूतकाळातील भूत पुन्हा दिसू लागतात. त्यामुळे अखेरची लढाई लढण्यासाठी तो सज्ज होतो. या चित्रपटात लियाम नीसन, जॅक ग्लीसन आणि केरी कंडोन यांच्या प्रमुख भूमिका आहेत.
विस्फोट (जिओसिनेमा)
या शुक्रवारी प्रदर्शित होणाऱ्या चित्रपटांच्या यादीत एक उत्कृष्ट चित्रपट आहे, जो तुम्हाला स्क्रीनवर चिकटून ठेवेल. 'विस्फोट' नावाचा हा क्राइम थ्रिलर दोन कुटुंबांची कथा सांगतो, एक मुंबईच्या झोपडपट्टीत राहतो आणि दुसरा एका उंच इमारतीत राहतो, ज्यांचे मार्ग अनपेक्षितपणे एकमेकांना छेदतात. कुकी गुलाटी दिग्दर्शित या चित्रपटात फरदीन खान, रितेश देशमुख, क्रिस्टल डिसूझा आणि प्रिया बापट यांच्या प्रमुख भूमिका आहेत.
स्ट्रेंज डार्लिंग (थिएटर)
ओरेगॉनच्या ग्रामीण भागात सेट केलेला, हा थ्रिलर चित्रपट सहा प्रकरणांवर आधारीत आहे. जो सिरीयल किलरची वन-नाइट स्टँडनंतर झालेल्या हत्येची कथा सांगताे. या चित्रपटाचे दिग्दर्शन विला फिट्झगेराल्ड, काइल गॅलनर, बार्बरा हर्शे आणि एड बेगले जूनियर यांनी केले आहे.
फाईट नाईट: द मिलियन डॉलर हाईस्ट (जिओसिनेमा)
ही मालिका खऱ्या घटनांवर आधारित आहे. जी अमेरिकन इतिहासातील सर्वात मोठ्या दरोड्यांपैकी एकावर आधारीत आहे.
इमॅक्युलेट (बुक माय शो स्ट्रीम)
सिडनी स्वीनी मुख्य भूमिकेत असलेला, हा भयपट चित्रपट एका ननची कथा सांगतो जी इटालियन ग्रामीण भागात एका दुर्गम कॉन्व्हेंटमध्ये राहते. तथापि, जेव्हा ती कॉन्व्हेंटने लपवलेली गडद रहस्ये उलगडते, तेव्हा कथानकाला वेग येतो.
बीटलजूस बीटलजूस (थिएटर्स)
बीटलज्यूस (१९८८) चा सिक्वेल, बीटलज्यूस बीटलज्यूस लिडिया डीट्झ (विनोना रायडर) वर केंद्रित आहे. टिम बर्टन दिग्दर्शित, या चित्रपटात मायकल कीटन, कॅथरीन ओहारा, जस्टिन थेरॉक्स, विलेम डॅफो, मोनिका बेलुची आणि जेना ओर्टेगा यांच्या प्रमुख भूमिका आहेत.
