‘मुर्शिद’ मध्ये केके मेनन दमदार भूमिकेत
केके मेनन अभिनीत गँगस्टर-ड्रामा ‘मुर्शिद’सह नवीन लष्करावर आधारीत मालिका कॅडेट्स, शुक्रवारी, ३० ऑगस्ट रोजी ओटीटीवर प्रदर्शित होणार आहे. या यादीत नेटफ्लिक्सचा हॉरर-थ्रिलर, द डिलिव्हरन्स आणि स्पॅनिश मेडिकल-ड्रामा ब्रेथलेस, झी फाइव्हचा क्राइम-थ्रिलर इंटरोगेशन, अॅपल टीव्हीची नवीन डॉक्युमेंटरी के-पॉप आयडॉल आणि इतर अनेक रोमांचक शो आणि चित्रपटांचा यामध्ये समावेश आहे.
मुर्शिद (झी ५)
या शुक्रवारी ओटीटी रिलीझच्या यादीमध्ये एक उत्तम मालिका आहे, जी तुम्हाला स्क्रीनला जोडून ठेवेल. मुर्शिद ही एका माजी गँगस्टरची कथा आहे, ज्याला जुन्या शत्रूपासून आपल्या मुलाला वाचवण्यासाठी पुन्हा मैदानात यावे लागते. आपल्या मुलाला प्राणघातक षङयंत्रापासून वाचवण्यासाठी शत्रूंचा शोध त्याला अंडरवर्ल्डमध्ये पुन्हा घेऊन जातो आणि त्याला अनपेक्षित युती करण्यास भाग पाडतो. या गँगस्टर ड्रामामध्ये के के मेनन, झाकीर हुसेन आणि तनुज विरवानी यांच्या प्रमुख भूमिका आहेत.
द डिलिव्हरन्स (नेटफ्लिक्स)
नेटफ्लिक्सचा हॉरर-थ्रिलर मालिका द डिलिव्हरन्स, एका संघर्ष करणाऱ्या एका आईच्या जीवनावर आधारित आहे, जी आपल्या मुलांसह नवीन घरात राहण्यास जाते. तथापि, नवीन जीवन सुरू करण्याचे स्वप्न अनपेक्षित वळण घेते, जेव्हा एक दुष्ट आत्मा त्यांचे जीवन उलथून टाकतो. ही मालिका एका सत्य घटनेवरून प्रेरित आहे.
काना कानुम कालांगल ३ ( डिस्ने + हॉटस्टार)
काना कानुम कालांगल या तमिळ मालिकेचे निर्माते हायस्कूलवरील नवीन सीझनसह परत आले आहेत, जी विद्यार्थ्यांच्या एका गटाभोवती फिरते. ही मालिका २००६ च्या याच नावाच्या टेलिव्हिजन मालिकेची रीबूट आहे.
इंटरोगेशन (झी ५)
या शुक्रवारी, ३० ऑगस्ट रोजी प्रदर्शित होणाऱ्या नवीन ओटीटी रिलीजच्या यादीमध्ये झी फाइव्हच्या नवीन क्राईम-थ्रिलर, इंटरोगेशनचा देखील समावेश आहे. हा चित्रपट एका निवृत्त न्यायाधीशाच्या खून प्रकरणावर केंद्रित आहे, ज्याचा तपास जसजसा पुढे जातो तसतसा अधिक गुंतागुंतीचा होत जातो.
के पॉप आयडॉल (अॅपल टीव्ही +)
के पॉप आयडॉल एक माहितीपट आहे. जो आम्हाला बॅकस्टेजवर घेऊन जातो आणि स्पर्धात्मक मनोरंजन उद्योगातील जेसी, क्रॅविटी आणि ब्लॅकस्वान यांचे काम आणि संघर्षाची झलक देतो. ॲपल टीव्हीवर हा माहितीपट प्रदर्शित होणार आहे.
ब्रेथलेस (नेटफ्लिक्स)
ब्रेथलेस नेटफ्लिक्सवर प्रदर्शित होईल. व्हॅलेन्सिया येथील हॉस्पिटलमधील स्पॅनिश वैद्यकीय मालिका डॉक्टर आणि वैद्यकीय व्यावसायिकांच्या गटाचे अनुसरण करते. ते तणावपूर्ण परिस्थितीत, वैयक्तिक संघर्ष आणि प्रणय यांचा ते सामना करतात. हेच या मालिकेत दाखवले आहे.
सर्प क्वीन सीझन २ (लायन्सगेट प्ले)
सर्प क्वीन सीझन २ लायन्सगेट प्लेवर प्रदर्शित होईल. गेला सीझन जेथे संपला तेथूनच नवीन कहाणी सुरू होणार आहे. द सर्प क्वीनचे नवीन भाग कॅथरीन डी मेडिसी या तरुण मुलीवर केंद्रित आहेत, जिने फ्रान्सचे सिंहासन स्वीकारल्यानंतर, इंग्लंडची राणी एलिझाबेथच्या विरोधात ती उभी राहते. १६ व्या शतकातील फ्रान्समध्ये सेट झालेल्या या मालिकेत सामंथा मॉर्टन, निक बर्न्स, एम्मा मॅकडोनाल्ड आणि मिनी ड्रायव्हर यांच्या भूमिका आहेत.
कॅडेट्स (जीओ सिनेमा)
द डिलिव्हरन्स, ब्रेथलेस आणि इतर नवीन ओटीटी रिलीज व्यतिरिक्त, शुक्रवारी येणाऱ्या शोच्या यादीमध्ये कॅडेट्स नावाचा शो देखील समाविष्ट आहे. सैन्यात भरती होण्यासाठी कठोर लष्करी प्रशिक्षण घेणाऱ्या चार तरुण कॅडेट्सची ही कथा आहे. या मालिकेतील कलाकारांमध्ये तनय छेडा, छयन चोप्रा, तुषार शाही आणि गौतम सिंग यांचा समावेश आहे.
