सप्टेंबरमधील पावसाच्या दडीमुळे राज्यातील शेती धोक्यात

पणजी :यंदा पावसाचे प्रमाण आधीच कमी असताना, सप्टेंबरमध्ये पावसाने दडी मारल्याने राज्यातील शेतीचे नुकसान होण्यास सुरुवात झाली आहे. या सद्यस्थितीचा अंदाज घेण्यासाठी विभागीय कृषी अधिकाऱ्यांना शेतीची पाहणी करण्याचे निर्देश दिले आहेत, अशी माहिती कृषी संचालक चंद्रहास देसाई यांनी दिली.

सप्टेंबरमध्ये एकही दिवस १ इंचापेक्षा जास्त पाऊस पडलेला नाही. पाऊस कमी पडत असतानाच तापमान मात्र वाढू लागले आहे, ज्यामुळे रोपांची मुळे करपण्यास सुरुवात झाली आहे. हवामान खात्याने पावसाचा ‘यलो अलर्ट’ जारी केला असून, दोन-तीन दिवस पाऊस पडल्यास परिस्थिती सुधारेल. मात्र, सध्या पाऊस नसल्याने शेती आणि बागायतीसाठी दुष्काळसदृश परिस्थिती निर्माण झाली आहे.

चिंचिणीत १०० हेक्टरवर लागवड

पिकांना थंडाव्याची नितांत गरज

विविध भागांतील पावसाचे तुलनात्मक चित्र

पावसाअभावी पिकांवर परिणाम होण्याची भीती

पाऊस कमी पडत असतानाच तापमान वाढत असल्याने पिकांवर त्याचा परिणाम होण्याची भीती निर्माण झाली आहे. विशेषतः भात पिकाची स्थिती आणि पावसाच्या उपलब्धतेचा कृषी विभागाकडून आढावा घेतला जाणार आहे. विभागीय कृषी अधिकाऱ्यांच्या पाहणीनंतर प्रत्यक्ष नुकसानीचे चित्र स्पष्ट होणार आहे.