स्पर्धेदरम्यान विविध गटांमध्ये होणार सामने
पणजी : गोवा टेबल टेनिस असोसिएशनच्या (जीटीटीए) सहकार्याने टेनिस दी गॅस्पर डायस क्लब यांच्या वतीने प्रायोरिटी गॅस्पर डायस ओपन ऑल गोवा मेजर रँकिंग टेबल टेनिस स्पर्धेचे आयोजन करण्यात आले आहे. ही स्पर्धा १७ ते २१ सप्टेंबर या कालावधीत मिरामार येथील क्लबच्या आवारात संध्याकाळी ३ वाजल्यापासून सुरू होईल.
या स्पर्धेत अनेक गटांमध्ये सामने होणार आहेत. यात मुलांसाठी आणि मुलींसाठी ११, १३, १५, आणि १९ वर्षांखालील गटांचा समावेश आहे. तसेच, पुरुष आणि महिला एकेरीचे सामनेही खेळले जातील. इच्छुक खेळाडू https://bit.ly/prioritygaspardiasopen या संकेतस्थळावर ऑनलाइन नोंदणी करू शकतात. अधिक माहितीसाठी, जीटीटीएचे समन्वयक संतोष वेरेकर यांच्याशी +९१ ९८८१२ ८१४३३ या क्रमांकावर संपर्क साधता येईल.
गोव्यातील खेळाडूंना प्रोत्साहन
गोवा टेबल टेनिस असोसिएशनचे अध्यक्ष सुदिन वेरेकर यांनी या स्पर्धेविषयी माहिती देताना सांगितले, प्रायोरिटी गॅस्पर डायस ओपन ही गोव्याच्या टेबल टेनिस कॅलेंडरमधील एक प्रतिष्ठित स्पर्धा बनली आहे. आमच्या प्रायोजकांकडून आणि यजमान संस्थेकडून मिळणाऱ्या प्रोत्साहनामुळे स्थानिक खेळाडूंना खूप मोठी मदत मिळत आहे. अनेक आश्वासक खेळाडू पुढे येत आहेत आणि गोव्यातील पॅडलर्स आता राष्ट्रीय स्तरावर पदके जिंकत आहेत. त्यामुळे, हा खेळ राज्यात खऱ्या अर्थाने बहरत आहे.
