सप्टेंबर महिन्यात ओटीटीवर अनेक चित्रपट प्रदर्शित होणार आहेत. हा महिना अनेक ब्लॉकबस्टर चित्रपट घेऊन येत आहे. या महिन्यात ओटीटी प्लॅटफॉर्मवर अ‍ॅक्शन, कॉमेडी, थ्रिलर, ड्रामा आपल्याला अनुभवता येणार आहे.
सैयारा । नेटफ्लिक्स
मोहित सुरी दिग्दर्शित आणि यशराज फिल्म्स निर्मित, ‘सैयारा’ हा एक म्युझिकल रोमँटिक ड्रामा चित्रपट आहे. या चित्रपटाद्वारे अहान पांडे आणि अनित पड्डा यांनी बॉलीवूडमध्ये पदार्पण केले आहे. हा चित्रपट बॉक्स ऑफिसवर ब्लॉकबस्टर ठरला आणि २०२५ मध्ये तो आतापर्यंतचा दुसरा सर्वाधिक कमाई करणारा चित्रपट ठरला आहे. हा ब्लॉकबस्टर चित्रपट आता ओटीटीवर प्रदर्शित होणार आहे, तुम्हाला तो १२ सप्टेंबरपासून नेटफ्लिक्सवर पाहता येईल.
मालिक । प्राइम व्हिडीओ
पुलकित दिग्दर्शित आणि कुमार तौरानी आणि जय शेवक्रमणी निर्मित या अ‍ॅक्शन थ्रिलरमध्ये राजकुमार राव, प्रोसेनजीत चॅटर्जी आणि मानुषी छिल्लर यांच्या प्रमुख भूमिका आहेत. चित्रपटाला थिएटरमध्ये चांगली कामगिरी करता आली नाही, परंतु स्ट्रीमिंगवर अधिक प्रेक्षक मिळतील अशी अपेक्षा आहे. हा चित्रपट ५ सप्टेंबर रोजी अमेझॉन प्राइम व्हिडीओवर प्रदर्शित होईल.
इन्स्पेक्टर झेंडे । नेटफ्लिक्स
इन्स्पेक्टर झेंडे या चित्रपटामध्ये मनोज बाजपेयी इन्स्पेक्टर ‘मधुकर झेंडे’ची भूमिका साकारत आहेत, तर जिम सर्भ ‘कार्ल भोजराज’ची भूमिका साकारत आहेत, जे कुप्रसिद्ध सीरियल किलर चार्ल्स शोभराजपासून प्रेरित आहे. जय शेवक्रमणी आणि ओम राऊत निर्मित हा चित्रपट ५ सप्टेंबर रोजी नेटफ्लिक्सवर प्रदर्शित होणार आहे.
कुली । प्राइम व्हिडीओ
लोकेश कनागराज लिखित आणि दिग्दर्शित, अ‍ॅक्शन थ्रिलर कुलीमध्ये रजनीकांत मुख्य भूमिकेत आहेत. चित्रपटात नागार्जुन, श्रुती हासन, सौबिन शाहीर, सत्यराज, उपेंद्र आणि रचिता राम यांच्याही भूमिका आहेत. आमिर खान आणि पूजा हेगडे यांनी चित्रपटात कॅमिओ केले आहेत. हा चित्रपट आता ११ सप्टेंबर रोजी अमेझॉन प्राइम व्हिडीओवर प्रदर्शित होईल.
आँखों की गुस्ताखियां । झी५
हा चित्रपट रस्किन बॉंड यांची लघुकथा ‘द आय हॅव इट’ यावर आधारित आहे. हा चित्रपट जहाँ एक दृष्टिहीन संगीतकार, आणि सबा एक रंगभूमी कलाकार जी अंध आहे असे भासवते, यांच्या प्रेमकथेवर आधारित आहे. दोघेही एकमेकांच्या खरी ओळखीशिवाय एकमेकांवर प्रेम करतात. काही वर्षांनंतर त्यांची भेट होते आणि अखेरीस ही कथा एक थोडी गोड–दुःखद प्रेमकथा म्हणून उलगडते. या चित्रपटात पदार्पण शनाया कपूर आणि विक्रांत मेस्सी मुख्य भूमिकेत आहेत.
क्वीन मॅन्टिस । नेटफ्लिक्स
क्वीन मॅन्टिस हा थ्रिलर कोरियन ड्रामा आहे. जो प्रसिद्ध सिरीयल किलर जुंग यी शिनवर आधारित आहे. चा सू योल (पोलीस अधिकारी) या खुनांचा तपास करतो आणि तिच्या आपल्या पद्धतीने संशयितांना शोधतो. या चित्रपटात गो ह्यून जंग आणि जांग डोंग यून मुख्य भूमिकेत आहेत.
कमट्टम । झी ५
कमट्टम हा रियल-लाइफ आर्थिक घोटाळ्यांवर आधारित मिस्ट्री थ्रिलर चित्रपट आहे, जो केरळमधील घडामोडींवर आधारित आहे. कथानकात अँटोनियो जॉर्ज, एक पोलीस अधिकारी असून एका अपघाती मृत्यूचा तपास करत असतो. ज्यामुळे एक मोठे षडयंत्र उघडकीस येते.
