वीज खात्याच्या व्यवसाय आराखड्यास मंजुरी; मात्र दरवाढीचा निर्णय प्रलंबित
संयुक्त वीज नियमन आयोगाचा निर्णय
Story: प्रतिनिधी। गोवन वार्ता |
28th August, 10:55 pm
💡
⚡ गोवा वीज खात्याच्या पंचवार्षिक व्यवसाय आराखड्यास मंजुरी; दरवाढीचा निर्णय बाकी
•
गोवा वीज खात्याने वर्ष २०२५-२६ ते २०२९-३० या कालावधीसाठी तयार केलेल्या सर्वसमावेशक व्यवसाय आराखड्याला संयुक्त वीज नियमन आयोगाने (जेईआरसी) मंजुरी दिली आहे. यामुळे खात्याला भांडवली खर्चाच्या प्रकल्पांची अंमलबजावणी करण्याचा मार्ग मोकळा झाला आहे. तथापि, वीज दरवाढीच्या प्रस्तावावर अद्याप निर्णय झालेला नाही.
'जेईआरसी'ने व्यवसाय आराखडा आणि दरवाढ याचिकेवर ९ मे रोजी सार्वजनिक सुनावणी घेतली होती. या सुनावणीत दरवाढीच्या प्रस्तावाला सर्व स्तरांतून तीव्र विरोध झाला होता. वरिष्ठ अधिकाऱ्यांच्या माहितीनुसार, दरवाढीच्या प्रस्तावावर पुढील दोन ते तीन दिवसांत निर्णय अपेक्षित आहे.
📈
भविष्यातील ऊर्जा मागणीचा अंदाज (२०३० पर्यंत)
मंजूर व्यवसाय योजनेनुसार
२०२५-२६ ची गरज
6,523.71
दशलक्ष युनिट्स
२०२९-३० ची अंदाजित मागणी
10,132.35
दशलक्ष युनिट्स
⬆️
अपेक्षित वाढ
~५०%
पुढील ५ वर्षांत
🎯
ट्रान्समिशन आणि वितरण तोटा कमी करण्याचे उद्दिष्ट
आराखड्यानुसार, खात्याचा सध्याचा ट्रान्समिशन आणि वितरण तोटा १२.२ टक्के आहे. २०२९-३० पर्यंत हा तोटा ११.७ टक्क्यांपर्यंत कमी करण्याचे उद्दिष्ट ठेवण्यात आले आहे.
#Goa #VeejDarvadh #JERC #VeejKhate #Panaji
