गोव्यातील विद्यार्थी खासगी कोचिंगवर खर्च करण्यात देशात सातवे
११वी, १२ वी विद्यार्थ्यांचा वार्षिक सरासरी खर्च ९,९०६ रुपये
Story: प्रतिनिधी | गोवन वार्ता |
27th August, 05:02 pm
📚
💰 गोव्यातील विद्यार्थी कोचिंगवर वार्षिक ९,९०६ रुपये खर्च करतात
•
पणजी : अकरावी आणि बारावीचे शिक्षण घेणारे गोव्यातील विद्यार्थी खासगी कोचिंग आणि ट्युशनवर मोठा खर्च करत आहेत. केंद्र सरकारने नुकत्याच जाहीर केलेल्या एका सर्वेक्षणानुसार, खासगी कोचिंगवर खर्च करण्याच्या बाबतीत गोवा देशात सातव्या क्रमांकावर आहे.
हे सर्वेक्षण केंद्र सरकारने चालू शैक्षणिक वर्षातील खर्चाची माहिती गोळा करण्यासाठी केले. यासाठी देशभरातील ५२,३६८ कुटुंबांचा समावेश करण्यात आला होता, ज्यात गोव्यातील ९५ कुटुंबांचा (४७ ग्रामीण आणि ४८ शहरी) सहभाग होता.
👨👩👧👦
गोव्यातील कोचिंग खर्च
लिंग आणि प्रदेशानुसार
ग्रामीण भाग
मुली: ₹९,८९५
मुले: ₹४,८९३
शहरी भाग
मुली: ₹९,८०३
मुले: ₹१५,३६४
एकूण सरासरी
₹९,९०६
देशात ७वा क्रमांक
खासगी कोचिंगच्या खर्चात त्रिपुरा राज्य देशात पहिल्या क्रमांकावर आहे, जिथे वार्षिक सरासरी २१,५७५ रुपये खर्च केले जातात. त्यानंतर पश्चिम बंगाल (१९,७६६ रु.), मणिपूर (१२,९१८ रु.), गुजरात (१०,५०८ रु.), ओडिशा (१०,४०१ रु.), आणि महाराष्ट्र (१०,००९ रु.) यांचा क्रमांक लागतो.
गोव्याची राष्ट्रीय सरासरी ६,३८४ रुपये आहे, तर देशात मेघालयमध्ये सर्वात कमी, केवळ १०५ रुपये वार्षिक खर्च केला जातो. केंद्रशासित प्रदेशांमध्ये दिल्ली सर्वाधिक १२,८९१ रुपये खर्च करते.
👧🏽👦🏻
आठवी ते दहावीचे विद्यार्थी
गोव्यात आठवी ते दहावीच्या विद्यार्थ्यांमध्ये खासगी कोचिंगवर मुलांपेक्षा मुलींवर अधिक खर्च केला जातो. मुलांसाठी ४,४४० रुपये खर्च केले जातात, तर मुलींसाठी १२,२३४ रुपये खर्च होतात. या वयोगटासाठी राष्ट्रीय सरासरी मुलांसाठी ४,४१५ रुपये आणि मुलींसाठी ३,९१४ रुपये आहे.
सर्वोच्च खर्च
त्रिपुरा
₹२१,५७५
सर्वात कमी खर्च
मेघालय
₹१०५
राष्ट्रीय सरासरी
₹६,३८४
गोवा: ₹९,९०६
#Goa #Coaching #Education #Survey #TuitionFees #Panaji #StudentExpenses
