पाजेश्वर बॉईजवर मात : अमित साळगावकर सामनावीर
पणजी : रामतळेश्वर स्पोर्ट्स क्लबच्या नास्नोळा मैदानावर झालेल्या हळदोणा व्हॉलिबॉल कप २०२५ स्पर्धेत सिद्धी स्पोर्ट्स अँड कल्चरल असोसिएशनने विजेतेपद पटकावले. या स्पर्धेतील सलग तिसऱ्या अंतिम फेरीत त्यांनी प्रवेश केला होता.
सिद्धी संघाने उपांत्य फेरीत राष्ट्रोळी बॉईजचा २१-१५, १६-२१, १५-११ अशा सेट्समध्ये पराभव केला.
अंतिम फेरीत त्यांनी पाजेश्वर बॉईजवर १४-२१, २१-१५, १५-११ असा विजय मिळवत अजिंक्यपदावर नाव कोरले.
✨ स्पर्धेत अमित साळगावकरला सामनावीर तर अलीना वाझ हिला उत्कृष्ट बचावपटूचा किताब मिळाला.
📌 पात्रता फेरीत सिद्धी संघाने जॉगिंग बॉईज (मोयरा) आणि नास्नोळा स्मॅशर्स यांचा पराभव केला होता.
