बीसीसीआयच्या केंद्रीय करारात अय्यर-इशानचे पुनरागमन

📍 मुंबई : बीसीसीआयने भारतीय क्रिकेट संघासाठी २०२४-२५ या हंगामातील केंद्रीय कराराची घोषणा केली असून एकूण ३४ खेळाडूंना या यादीत स्थान देण्यात आले आहे. यामध्ये श्रेयस अय्यर आणि ईशान किशन यांचे पुनरागमन झाले आहे, तर अनेक नवोदित खेळाडूंनाही यावेळी प्रथमच संधी मिळाली आहे.

🗓️ हा करार १ ऑक्टोबर २०२४ ते ३० सप्टेंबर २०२५ पर्यंत लागू असणार आहे. करारामध्ये खेळाडूंना त्यांच्या श्रेणीनुसार आर्थिक मोबदला देण्यात येतो. ए+ ग्रेडसाठी ७ कोटी, ए ग्रेडसाठी ५ कोटी, बी ग्रेडसाठी ३ कोटी आणि सी ग्रेडसाठी १ कोटी रुपयांचे मानधन निश्चित करण्यात आले आहे.

🌟 ए+ ग्रेडमध्ये चार दिग्गज

सर्वोच्च ए+ ग्रेडमध्ये रोहित शर्मा, विराट कोहली, जसप्रीत बुमराह आणि रवींद्र जडेजा यांचा समावेश आहे. या खेळाडूंनी भारतीय संघासाठी सातत्याने योगदान दिले आहे.

💥 ‘ए’ ग्रेडमध्ये सहा खेळाडू

मोहम्मद सिराज, के. एल. राहुल, शुभमन गिल, हार्दिक पांड्या, मोहम्मद शमी आणि ऋषभ पंत यांचा समावेश करण्यात आला आहे.

🔁 ‘बी’ ग्रेडमध्ये अय्यरचे पुनरागमन

श्रेयस अय्यरने ‘बी’ ग्रेडमध्ये पुनरागमन केले असून त्याच्यासह सूर्यकुमार यादव, अक्षर पटेल, कुलदीप यादव, यशस्वी जयस्वाल यांनाही स्थान मिळाले आहे.

🔰 ‘सी’ ग्रेडमध्ये सर्वाधिक १९ खेळाडू

ईशान किशन, रिंकू सिंग, तिलक वर्मा, ऋतुराज गायकवाड, शिवम दुबे, रवी बिश्नोई, वॉशिंग्टन सुंदर, मुकेश कुमार, संजू सॅमसन, अर्शदीप सिंग, प्रसिद्ध कृष्णा, रजत पाटीदार, ध्रुव जुरेल, सरफराज खान, नितीश कुमार रेड्डी, अभिषेक शर्मा, आकाशदीप, वरूण चक्रवर्ती आणि हर्षित राणा यांचा समावेश आहे.

🆕 नवोदित खेळाडूंना संधी देण्यात आल्यामुळे आगामी स्पर्धांमध्ये भारतीय संघ अधिक बलवान होणार आहे.