एआयपीएससीबीतर्फे स्पर्धेचे केरळ येथे आयोजन
पणजी : केरळमध्ये नुकत्याच पार पडलेल्या अखिल भारत पोलीस बॅडमिंटन चॅम्पियनशिप २०२४-२५ मध्ये 🟤 गोवा पोलिसांनी आपले खाते उघडत कांस्य पदक पटकावले. गोवा पोलिसांचे अतिरिक्त पोलीस महासंचालक ओमवीर सिंग बिश्नोई आणि उपअधीक्षक विल्सन डिसोझा यांनी दुहेरी गटात उत्तम समन्वय दाखवत ही कामगिरी केली.
स्पर्धेत देशभरातील विविध राज्यांतील पोलीस अधिकाऱ्यांनी सहभाग घेतला होता. त्यामध्ये गोव्याच्या या जोडीने प्रभावी खेळ सादर करत उपांत्य फेरीपर्यंत झुंज दिली आणि शेवटी कांस्य पदकावर आपले नाव कोरले. ✨ विशेष म्हणजे, हे पदक गोव्याच्या खात्यातले पहिले पदक ठरले.
गोवा पोलीस मुख्यालयाने या यशाबद्दल ओमवीर बिश्नोई व विल्सन डिसोझा यांचे अभिनंदन करत त्यांचा सन्मान केला. 🏅 यामुळे गोव्याच्या खेळाडूंना आगामी स्पर्धांसाठी नवा आत्मविश्वास मिळेल, अशी अपेक्षा व्यक्त केली जात आहे.
ही स्पर्धा ऑल इंडिया पोलीस स्पोर्ट्स कंट्रोल बोर्ड (एआयपीएससीबी) यांच्या मार्गदर्शनाखाली पार पडली. 🤝 देशातील पोलीस विभागातील खेळाडूंना राष्ट्रीय स्तरावर व्यासपीठ मिळावे आणि आरोग्य, मैत्री व व्यायामाचे महत्त्व वाढावे, यासाठी ही स्पर्धा दरवर्षी आयोजित केली जाते.
