मुलांचा पराभव : तेजेंद्र लवंदे यांच्या अध्यक्षतेखाली गोवा लॅक्रोस असोसिएशनची स्थापना
पणजी : गोव्याच्या मुलींनी कनिष्ठ लॅक्रोस नॅशनलमध्ये रौप्यपदक पटकावले तर मुलांच्या संघाला उपांत्यपूर्व फेरीत पराभवाचा सामना करावा लागला. आगामी ऑलिम्पिकमध्ये नव्याने सादर करण्यात आलेल्या लॅक्रोस या खेळाला गोव्यात प्रसिद्धी मिळाली असून अध्यक्ष तेजेंद्र (निखिल) लवंदे यांच्या अध्यक्षतेखाली गोवा लॅक्रोस असोसिएशनची स्थापना झाली आहे.
संघटनेत सचिव संदीप हेबळे, खजिनदार वृषाली कार्दोझ, उपाध्यक्ष जयेश नाईक, नावेद तहसीलदार, गौतम खरंगटे आणि माधवी शेट्ये, सहसचिव मंगेश पवार, सह खजिनदार भार्गव देसाई आणि सदस्य अभय भामईकर, दत्ताराम बिचोलकर, शमसुद्दिन अहाणि सुदेश गावकर यांचा समावेश आहे. मनोज पाटील हे सल्लागार तर चेतन कवळेकर हे तांत्रिक सल्लागार म्हणून काम पाहत आहेत.
बास्केटबॉल आणि नेटबॉलमध्ये गोव्याचे प्रतिनिधित्व करणारे व्यावसायिक खेळाडू मंगेश पवार यांनी या संघाला प्रशिक्षण दिले आहे. पवार म्हणाले, गोव्यात हा खेळ पूर्णपणे नवीन असल्याने लॅक्रोसचे प्रशिक्षण देणे हे एक अनोखे आव्हान होते. पण खेळाडू उत्साही आणि शिकण्यासाठी उत्सुक होते आणि त्यांनी मैदानावर सर्वोत्तम कामगिरी केली. आग्रा येथील त्यांच्या कामगिरीवरून या उदयोन्मुख खेळात गोव्याची प्रचंड क्षमता दिसून येते.
गोव्याच्या संघातील खेळाडू
मुलांच्या संघात अबुबकर मकानदार, आकाश कंदकूर, अखिल माणिक्याला, आर्यन फातर्पेकर, महेश कंदकुरा, निहंत दारोकर, रविकिरण नाईक, रॉयलन कुलासो (कर्णधार) आणि यश गोकर्णकर यांचा समावेश होता. मुलींच्या संघात अर्शिया बानू, आशिता सिजी, आयशा किल्लेदार, एलेना परेरा, फलक शेख, नंदिनी गुप्ता, प्रियांका करकल, रिद्धी सावंत, श्रेया शिंदे, तन्वी पाल आणि कर्णधार ट्रेसी हिलारियो यांचा समावेश होता.
..............
गोवा लॅक्रॉस असोसिएशनची स्पष्ट दृष्टी आणि धोरणात्मक उपक्रमांमुळे लॅक्रोस गोव्यात पाळेमुळे रुजवणार आहे आणि येत्या काही वर्षांत राष्ट्रीय आणि आंतरराष्ट्रीय स्तरावर लक्षणीय ठसा उमटवणार आहे.
(फोटो)
निष्ठ लॅक्रोस नॅशनलमध्ये रौप्यपदक पटकावलेल्या मुलींच्या संघासोबत मुलांचा संघ व अधिकारी.
