अजित कुमार याची गणना तामिळ चित्रपटसृष्टीतील सर्वाधिक मानधन घेतलेल्या अभिनेत्यांमध्ये केली जाते. चला तर मग या स्टारच्या लक्झरी लाइफस्टाइलवर एक नजर टाकूया.
अभिनेता अजित कुमार हे तमिळ चित्रपटसृष्टीतील एक मोठे नाव आहे. आपल्या फिल्मी करिअरमध्ये त्याने आतापर्यंत ६० हून अधिक चित्रपटांमध्ये काम केले आहे. एकेकाळी कार रेसर म्हणून देशाच्या विविध भागात कार रेसिंग स्पर्धांमध्ये भाग घेणाऱ्या अजितने बालकलाकार म्हणून आपल्या अभिनय कारकिर्दीला सुरुवात केली. १९९३ मध्ये प्रदर्शित झालेला 'अमरावती' हा मुख्य अभिनेता म्हणून त्याचा पहिला चित्रपट होता. साऊथ चित्रपटांव्यतिरिक्त अजितने 'इंग्लिश विंग्लिश' या हिंदी चित्रपटातही काम केले होते.
अजित कुमारचे घर
अजित कुमार पत्नी शालिनी आणि दोन मुलांसह दक्षिण चेन्नईतील तिरुवनमियुर येथे राहतो. अजित कुमार याचे संपूर्ण घर सफेद रंगात रंगवलेले आहे. यासोबतच त्याच्या घराच्या आजूबाजूला भरपूर हिरवळ आहे. हे बाहेरून अगदी साधे दिसले तरी आतमध्ये आधुनिक थीमवर डिझाइन करण्यात आले आहे. त्याच्या घरात प्रवेश करताच तुम्हाला खूप रॉयल वाटेल. एका रिपोर्टनुसार त्याच्या घराची किंमत १०-१२ कोटी रुपये आहे.
कार संग्रह
अजित कुमार एक व्यावसायिक कार रेसर आहे. त्यामुळेच त्याला महागड्या गाड्यांची खूप आवड आहे. त्याच्याकडे फेरारी ४५८ इटालिया सुपरकार आहे, ज्याची किंमत सुमारे ५ कोटी रुपये आहे. याशिवाय त्याच्याकडे लक्झरी सेडान बीएमडब्ल्यू ७४०एलआय (८० लाख), व्होल्वो एक्ससी ९० (रु. १ कोटी), मर्सिडीज बेंझ ३५० जीएलएस (१.३ कोटी), लँड रोव्हर डिस्कव्हरी (६० लाख), होंडा अकॉर्ड (३० लाख) आणि टोयोटा इनोव्हा (२० लाख) देखील आहेत.
बाइक्स कलेक्शन
ऑटोमोबाईल्स उत्साही अजित कुमार याच्या गॅरेजमध्ये दोन बीएमडब्ल्यू सुपरबाइक आहेत, ज्यामध्ये बीएमडब्ल्यू ए१००० आरआरची किंमत २४ लाख रुपये आणि बीएमडब्ल्यू के १३०० एसची किंमत २१.८ लाख रुपये आहे. याशिवाय त्याच्याकडे कावासाकी निंजा झेडएक्स १४ आर (१९.८९ लाख) आणि एप्रिला कॅपोनोर्ड १२०० (२० लाख) देखील आहेत.
चित्रपटांसाठी आकारतो एवढे शुल्क
रिपोर्ट्सनुसार, अजित कुमार एका सिनेमासाठी ३५-४० कोटी रुपये घेतात. त्याच वेळी, त्याची ब्रँड एंडोर्समेंट फी ३ कोटींच्या जवळपास आहे. तो 'नेस्कॅफे' आणि 'कोका कोला' सारख्या ब्रँडचे ब्रँड अॅम्बेसेडरही राहिले आहे.
अजित कुमारची एकूण संपत्ती
तामिळ सुपरस्टार अजित कुमार याची गणना सर्वाधिक मानधन घेतलेल्या अभिनेत्यांमध्ये केली जाते. एका अहवालानुसार त्याची एकूण संपत्ती ३५० कोटी रुपये आहे. याशिवाय त्याने 'फोर्ब्स इंडिया सेलिब्रिटी १००' यादीत तीन वेळा स्थान मिळवले आहे.
