आर्थिक वर्ष २०२४-२५ मध्ये ४५ हजार टन निर्यात
पणजी : गोव्यातील मासळीला आग्नेय आशियातील देशांमध्ये मोठी पसंती मिळत असून सर्वाधिक निर्यात याच भागात होत आहे. आर्थिक वर्ष २०२४-२५ मध्ये राज्यातून जगभरात एकूण ४५,४६९ टन मासळी निर्यात करण्यात आली. या एकूण निर्यातीतून राज्याला ७८८.८१ कोटी रुपयांचे उत्पन्न मिळाले आहे. प्रामुख्याने गोठवलेली सुंगटा, माणकी, गोड्या पाण्यातील मासे आणि समुद्रातील अन्य माशांची निर्यात केली जाते.
गेल्या आर्थिक वर्षात सर्वाधिक ३७,७७९ टन म्हणजेच एकूण निर्यातीच्या ८३ टक्के मासळी आग्नेय आशियाई देशांमध्ये (थायलंड, सिंगापूर, मलेशिया इ.) पाठवण्यात आली. या खालोखाल मध्य पूर्व आणि युरोपीय महासंघाचा क्रमांक लागतो. सुंगटे आणि ताज्या मासळीच्या निर्यातीत काही प्रमाणात घट झाली असली, तरी माणकीच्या (Squid) निर्यातीत सुमारे १ हजार टनांनी वाढ झाली आहे.
| निर्यात क्षेत्र (Region) | प्रमाण (टन मध्ये) | मूल्य (कोटी रु. मध्ये) |
|---|---|---|
| आग्नेय आशिया (SE Asia) | ३७,७७९ | ५९६.२० |
| मध्य पूर्व (Middle East) | १,८२४ | ४६.८१ |
| युरोपीय महासंघ (EU) | १,२७९ | ४४.०४ |
| जपान (Japan) | ६२ | ३.३५ |
| अमेरिका (USA) | ५१ | ३.२६ |
| इतर देश | ९४३ | २९.६२ |
| आर्थिक वर्ष | एकूण निर्यात (टन) | एकूण उत्पन्न (कोटी रु.) |
|---|---|---|
| २०२२-२३ | ६३,३३३ | १,००७.०० |
| २०२३-२४ | ५५,१६७ | ९३४.२० |
| २०२४-२५ | ४५,४६९ | ७८८.८१ |
