२०२०च्या निवडणुकीत झाले होते ५६.८६ टक्के मतदान
पणजीः जिल्हा पंचायत निवडणुकीसाठी (Zilla Panchayat Election) गोव्यात (Goa) एकूण ६३.५९ टक्के मतदान झाले. २०२० मध्ये कोविडच्या काळात झालेल्या निवडणुकीत ५६.८६ टक्के मतदान झाले होते. मागच्या पेक्षा यावेळी जास्त मतदान झाले. मतदानाच्या सुरवातीला लोकांचा कमी प्रतिसाद होता. दुपारनंतर प्रतिसाद वाढत गेला. संध्याकाळी ४ पर्यंत ही टक्केवारी ६० टक्क्यांपेक्षा जास्त झाली. सर्वत्र मतदान प्रक्रिया शांततेने व सुरळीत पार पडली.
राज्यातील ५० झेडपी मतदारसंघांत १,२८४ मतदान बुथवर मतदानाला सकाळी सुरवात झाली. संध्याकाळी ४ पर्यंत ८ लाख, ६८ लाख, ६३७ मतदारांपैकी ५ लाख, ५२ हजार, ८०७ मतदारांनी मतदानाचा हक्क बजावला. एकूण ६३.५९ टक्के मतदानाची नोंद झाली. यात २ लाख, ६५ हजार, ८३७ पुरुष तर २ लाख, ८६ हजार, ९६८ महिला मतदारांचा समावेश आहे. २ तृतीय पंथीय मतदारांनी मतदानाचा हक्क बजावला.
उत्तर गोव्यात (North Goa) २५ मतदारसंघांनी ६५.३४ टक्के तर दक्षिण गोव्यात (South Goa) २५ मतदारसंघांनी ६१.७८ टक्के मतदान झाले. सत्तरीतील केरी मतदारसंघात सर्वात जास्त ८२.६४ टक्के तर कुठ्ठाळी मतदारसंघात सर्वात कमी ४९.३६ टक्के मतदान झाले.
उत्तर गोव्यात हरमल मतदारसंघात ७२.३६ टक्के मतदान झाले. मोरजी ६५.३२ टक्के, धारगळ ६७.९५ टक्के, तोरशे ६९.०१ टक्के, शिवोली ६१.२६ टक्के, कोलवाळ ६७.५४ टक्के, हळदोणा ६०.४६ टक्के, शिरसई ५९.३० टक्के, हणजूण ६४.३७ टक्के, कळंगुट ५७.८२ टक्के, सुकूर ५७,७६ टक्के, रेईश मागूश ५७.०९ टक्के, पेन्ह द फ्रान्स ५७.६४ टक्के, सांताक्रुझ ५८.८७ टक्के, ताळगाव ५२.६३ टक्के, चिंबल ५७.२४ टक्के, खोर्ली ६१.११ टक्के, सेंट लॉरेन्स ५७.९२ टक्के, लांटबार्से ८०.३४ टक्के, कारापूर सर्वण ७०.९५ टक्के, मये ७१.५७ टक्के, पाळी ८०.९७ टक्के, होंडा ७९.६७ टक्के, केरी ८२.६४ टक्के आणि नगरगांव ८०.६३ टक्के मतदान झाले.
दक्षिण गोव्यात उसगाव गांजे मतदारसंघात ७३.८० टक्के, बेतकी खांडोळा ७४.०९ ट्के, कुर्टी ६५.९९ टक्के, वेलींग प्रियोळ ६६.८१ टक्के, कवळे ६२.१५ टक्के, बोरी ६३.७२ टक्के, शिरोडा ६६.९९ टक्के, राय ५३.६७ टक्के, नुवे ५७.६६ टक्के, कोलवा ५३.०२ टक्के, वेळ्ळी ५२.१० टक्के, बाणावली ५३.४४ टक्के, दवर्ली ५७.३६ टक्के, गिरदोली ६५.०८ टक्के, कुडतरी ५३.९८ टक्के, नावेली ४९.२० टक्के, सावर्डे ७०.९३ टक्के, धारबांदोडा ६८.२० टक्के, रिवण ७३.२१ टक्के, शेल्डे ६५,७३ टक्के, बार्से ७२.०० टक्के, खोला ६६.४२ टक्के, पैंगीण ६९.६० टक्के, साकवाळ ५५.०७ टक्के आणि कुठ्ठाळी ४९.३६ टक्के मतदान झाले.
