पणजीः गोव्यात (Goa) जिल्हा पंचायतीच्या निवडणुकीसाठी (Zilla Panchayat Election) पंचायत क्षेत्रात शनिवारी मतदानास सुरवात झाली. सुरवातीला लोकांचा प्रतिसाद कमी होता. दुपारी २ पर्यंत ४८.७८ टक्के मतदानाची नोंद झाली. सर्वत्र मतदान प्रक्रिया शांततेने व सुरळीत सुरू आहे.
राज्यातील ५० जिल्हा पंचायत मतदारसंघांत १,२८४ बुथवर मतदानास सुरवात झाली. दुपारी पर्यंत ८ लाख ६८ हजार, ६३७ मतदारांपैकी ४ लाख, २३ हजार, ८९६ मतदारांनी मतदानाचा हक्क बजावला. दुपारी पर्यंत एकूण ४८.७८ टक्के मतदानाची नोंद झाली. यातून २ लाख ७ हजार, ३९९ पुरुष मतदार तर २ लाख, १६ हजार, ८४८ महिला मतदारांचा समावेश आहे. २ तृतीय पंथीय मतदारांचा समावेश आहे.
उत्तर गोव्याच्या (North Goa) २५ मतदारसंघांत ५०.०६ टक्के तर दक्षिण गोव्याच्या (South Goa) २५ मतदारसंघांत ४८.७६ टक्के मतदान झाले. पाळी मतदारसंघात सर्वात जास्त ६६.४९ टक्के तर कुठ्ठाळी मतदारसंघात सर्वात कमी ३७.६५ टक्के मतदान झाले.
उत्तर गोव्याच्या हरमल मतदारसंघात ५५.६५ टक्के मतदान झाले. मोरजी ४९.२३ टक्के, धारगळ ५१.५३ टक्के, तोरसे ५२.७८ टक्के, शिवोली ४६.२९ टक्के, कोलवाळ ५१.१६ टक्के, हळदोणा ४५.३४, शिरसई ४५.०२ टक्के, हणजूण ४८.६१ टक्के, कळंगुट ४५.४६ टक्के, सुकूर ४३.६१ टक्के, रेईश मागूश ४३.२० टक्के, पेन्ह द फ्रान्स ४५.२५ टक्के, सांताक्रुझ ४३.६७ टक्के, ताळगाव ३८.५० टक्के, चिंबल ४२.१४ टक्के, खोर्ली ४६.४१ टक्के, सेंट लॉरेन्स ४३.३३ टक्के, लांटबार्से ६१.१६ टक्के, कारापूर सर्वण ५४.५७ टक्के, मये ५४,९९ टक्के, पाळी ६६.९० टक्के, होंडा ६२.३६ टक्के, केरी ६६.४९ टक्के, नगरगांव ६३.८३ टक्के मतदान झाले.
दक्षिण गोव्यात उसगांव गांजे मतदारसंघात ५६.६० टक्के, बेतकी खांडोळा ५६,७३ टक्के, कुर्टी ४९.२८ टक्के, वेलींग प्रियोळ ५१,५४ टक्के, कवळे ४८.०८ टक्के, बोरी ४७.८६ टक्के, शिरोडा ५३.०६ टक्के, राय ४०.९० टक्के, नुवे ४४.४२ टक्के, कोलवा ४१.०५ टक्के, वेळ्ळी ३९.९८ टक्के, बाणावली ४०.७५ टक्के, दवर्ली ४२.३० टक्के, गिरदोली ५०.५० टक्के, कुडतरी ४१.६५ टक्के, नावेली ३८.४७ टक्के, सावर्डे ५४.१५ टक्के, धारबांदोडा ५१.४९ टक्के, रिवण ५८.७८ टक्के, शेल्डे ५०.६९ टक्के बार्शे ५५.७९ टक्के, खोला ५१.६८ टक्के, पैंगीण ५५.२३ टक्के, साकवाळ ४०.३१ टक्के आणि कुठ्ठाळी ३७.६५ टक्के मतदान झाले.
तिसवाडीत मतदान सुरळीत
तिसवाडी महालातील खोर्ली, चिंबल, सांताक्रुझ आणि सेंट लॉरेन्स मतदारसंघांत सुरळीत मतदान झाले. कुठेही कायदा व सुव्यवस्थेचा प्रश्न उपस्थित झाला नाही. पूर्ण मतदान प्रक्रिया दुपारी पर्यंत शांततेत सुरू होती. पण सेंट लॉरेन्स मतदारसंघात नेवरा पंचायतीच्या बाजूला आम आदमी पक्षाचे कार्यकर्ते पक्षाची टोपी व पट्टे घालून बसले होते. आचारसंहितेचे उल्लंघन झाल्याने पोलिसांनी कारवाई करताना त्यांच्या टोप्या व पट्टे जप्त केले. काही बुथवर व्हीलचेअर नसल्याने वयस्क लोकांना अडचणींचा सामना करावा लागला.
