कोलकाता : पश्चिम बंगालच्या मुख्यमंत्री ममता बॅनर्जी पुन्हा एकदा जखमी झाल्या आहेत. यावेळी दुर्गापूर येथे हा अपघात झाला. लोकसभा निवडणुकीसाठी ममता बॅनर्जी आज आसनसोलमध्ये दोन ठिकाणी प्रचार सभा घेणार होत्या. आसनसोलला जाण्यासाठी हेलिकॉप्टरमध्ये बसत असताना अचानक त्या पडल्या. मात्र, सोबत असलेल्या सुरक्षा रक्षकांनी परिस्थितीवर नियंत्रण मिळवले. मुख्यमंत्री मोठ्या धोक्यातून बचावले असले तरी त्यांना किरकोळ दुखापत झाल्याचे सूत्रांचे म्हणणे आहे.
४४ दिवसांनी ममता बॅनर्जी पुन्हा जखमी
दीड महिन्यापूर्वीही मुख्यमंत्री ममता जखमी झाल्या होत्या. त्या घरातच पडल्या होत्या. तेव्हा त्यांच्या कपाळाला जखम झाली होती. १४ मार्च रोजी घडलेल्या घटनेनंतर मुख्यमंत्र्यांना रुग्णालयात न्यावे लागले आणि जखमेवर टाके घालण्यात आले. मात्र, काही आठवड्यांनंतर ममता डोक्यावर ल्युकोप्लास्ट घालून प्रचार करत होत्या. तृणमूलच्या उमेदवारांच्या समर्थनार्थ सभा घेत ती राज्यातील जिल्ह्यांमध्ये फिरत होती. मात्र ४४ दिवसांनंतर ममता बॅनर्जी पुन्हा जखमी झाल्या आहेत.
