वास्को : सांकवाळ येथील झुवारी नगर भागात एका कुटुंबावर लोखंडी सळ्या, दगड आणि चॉपरने प्राणघातक हल्ला करण्यात आल्याची खळबळजनक घटना घडली आहे. या अचानक झालेल्या हल्ल्यामुळे परिसरात काही काळ तणावपूर्ण परिस्थिती निर्माण झाली होती. हल्ल्यामध्ये कुटुंबातील एका सदस्याच्या गळ्यावर चाकूने गंभीर वार झाल्यामुळे तो व इतर सदस्य जखमी झाले.
घटनेची माहिती मिळताच जखमींना तातडीने प्राथमिक उपचारासाठी कासावली येथे नेण्यात आले; मात्र प्रकृती गंभीर असल्यामुळे त्यांना पुढील उपचारासाठी मडगावच्या दक्षिण गोवा जिल्हा रुग्णालयात हलवण्यात आले. या घटनेची माहिती समजताच स्थानिक पोलिसांनी घटनास्थळी धाव घेतली असून, परिसराचा ताबा घेत तपास सुरू केला आहे. हल्ल्याचे नेमके कारण अद्याप समोर आलेले नाही.