युतीवरून मगोने भाजपच्या स्थनिक नेत्यांना डावलले

पणजी :मगो-भाजप युतीबाबत सध्या चर्चा सुरू असून, या युतीसंदर्भातील अंतिम निर्णय भाजपचे केंद्रीय नेतेच घेतील, असे मुख्यमंत्री डॉ. प्रमोद सावंत यांनी स्पष्ट केले. दुसरीकडे, मगोचे नेते दिल्लीत केंद्रीय गृहमंत्री अमित शहा, महाराष्ट्राचे मुख्यमंत्री देवेंद्र फडणवीस आणि भाजपचे राष्ट्रीय अध्यक्ष नितीन नबीन यांच्याशी चर्चा करणार आहेत. त्यानंतर भाजपच्या स्थानिक नेत्यांशी बोलणी होतील, अशी माहिती मंत्री आणि मगोचे आमदार सुदिन ढवळीकर यांनी दिली.

विधानसभा निवडणुका जवळ येत असल्याने राज्यातील राजकीय घडामोडींना वेग आला आहे. काँग्रेस, आरजी आणि गोवा फॉरवर्ड यांच्यात आघाडी करण्याच्या दृष्टीनेही हालचाली सुरू आहेत. सध्या राज्यात भाजप-मगो युतीचे सरकार सत्तेवर आहे.

सोमवारी मुख्यमंत्री डॉ. प्रमोद सावंत यांच्या उपस्थितीत दोन्ही पक्षांमध्ये युतीसंदर्भात चर्चा झाली. या बैठकीला मगोचे अध्यक्ष दीपक ढवळीकर आणि भाजपचे प्रदेशाध्यक्ष दामू नाईक उपस्थित होते.

मतदारसंघांवरून बैठकीत मतभेद

या बैठकीत मगोने शिरोडा, फोंडा आणि मडकई यांसह अन्य मतदारसंघांवर दावा केला. मात्र, हे मतदारसंघ सोडण्यास भाजपने नकार दिल्याची माहिती सूत्रांकडून मिळाली आहे. त्यामुळे बैठकीत कोणताही ठोस निर्णय होऊ शकला नाही.

युतीबाबत मुख्यमंत्र्यांना विश्वास

काय म्हणाले सुदिन ढवळीकर?

मगोचा जनसंपर्क अन् सर्वेक्षण

भाजपसोबत युती होणार असली, तरी मगो हा स्वतंत्र पक्ष असल्याने सर्व मतदारसंघांत पक्षाचा जनसंपर्क आणि काम सुरू आहे. फोंडा, मडकई, शिरोडा आणि डिचोली या मतदारसंघांत मगोची स्थिती मजबूत असल्याचा दावा पक्षाचे अध्यक्ष दीपक ढवळीकर यांनी केला.

पक्षाची सद्यस्थिती आणि मतदारांचा प्रतिसाद जाणून घेण्यासाठी सर्वेक्षण सुरू असल्याचेही दीपक ढवळीकर यांनी सांगितले.

भाजपसमोर जागावाटपाचा तिढा

सात मतदारसंघांवर मगोचा दावा

मगोने सात विधानसभा मतदारसंघांवर दावा केला आहे. त्यामध्ये मडकई, फोंडा, शिरोडा, प्रियोळ, डिचोली, मांद्रे आणि पेडणे या मतदारसंघांचा समावेश आहे.