राज्यात काळ्या मिरीच्या उत्पादनात २.८६ टक्के वाढ

पणजी : गोव्यात काळ्या मिरीचे उत्पादन २०२३-२४ मध्ये ३५० टन होते. त्यात दोन वर्षांत २.८६ टक्क्यांनी वाढ होऊन २०२५-२६ मध्ये उत्पादन ३६० टनांवर पोहोचले आहे. त्याचबरोबर काळ्या मिरीच्या लागवडीखालील क्षेत्रातही वाढ झाली असून, ते ८६८ हेक्टरवरून ८८३ हेक्टर झाले आहे. कृषी संचालनालयाने जारी केलेल्या आकडेवारीतून राज्यातील काळ्या मिरीची लागवड आणि उत्पादन हळूहळू वाढत असल्याचे दिसून येते.

कृषी संचालनालयाच्या आकडेवारीनुसार, २०२३-२४ मध्ये ३५० टन असलेले काळ्या मिरीचे उत्पादन २०२४-२५ मध्ये ३५७ टन झाले. म्हणजेच उत्पादनात ७ टनांची किंवा २ टक्क्यांची वाढ झाली. याच कालावधीत काळ्या मिरीच्या लागवडीखालील क्षेत्र ८६८ हेक्टरवरून ८७५ हेक्टर झाले. क्षेत्रात ७ हेक्टरची वाढ नोंदवण्यात आली.

मात्र, २०२५-२६ मध्ये उत्पादनवाढीचा वेग मंदावला. उत्पादनात केवळ ३ टनांची वाढ होऊन ते ३६० टनांवर पोहोचले. ही वाढ ०.८४ टक्के होती. दुसरीकडे, लागवडीखालील क्षेत्रात ८ हेक्टरची वाढ होऊन ते ८८३ हेक्टर झाले. क्षेत्रातील ही वाढ ०.९१ टक्के आहे.

दोन वर्षांतील उत्पादन आणि लागवड क्षेत्राची तुलना