आरजी, गोवा फॉरवर्ड यांच्याशी चर्चा सुरू: अमित पाटकर
पणजी : जिल्हा पंचायत निवडणुकीत (Zilla Panchayat Election) गोवा फॉरवर्ड (Goa Forward Party) आणि आरजी (RG Party) कोणत्या जागा सोडणार आहेत हे जाहीर करणार आहेत.
ज्या मतदारसंघांमध्ये जागा वाटपात कोणताही फरक नाही त्या मतदारसंघातील उमेदवारांची घोषणा दोन दिवसांत केली जाईल, असे प्रदेश काँग्रेस अध्यक्ष अमित पाटकर यांनी सांगितले. काँग्रेस निवडणूक समितीच्या (Congress Election Committee) बैठकीनंतर त्यांनी ही घोषणा केली.
काँग्रेस निवडणूक समितीची आज बैठक झाली. आज संध्याकाळी आरजी तसेच गोवा फॉरवर्ड पक्षाशी युतीबाबत चर्चा केली जाईल. सोमवारी बैठक झाली, असे प्रदेशाध्यक्ष अमित पाटकर यांनी सांगितले.
जिल्हा पंचायत निवडणूक डिसेंबरमध्ये घेण्याचे आदेश पंचायत सचिवांनी जारी केले आहेत. राज्य निवडणूक आयोगाने कोणतीही अधिसूचना जारी केलेली नाही.
जरी कोणतीही अधिसूचना जारी केलेली नसली तरी, राजकीय पक्ष जोरदार तयारी करत आहेत.
जागा वाटपाबाबत आरजी तसेच गोवा फॉरवर्ड यांच्याशी अंतर्गत चर्चा सुरू आहे. काँग्रेसला मिळणाऱ्या मतदारसंघांसाठी उमेदवारांची घोषणा आधी केली जाईल.
जागा वाटपाचा फॉर्म्युला तसेच इतर मुद्द्यांवर चर्चा सुरू आहे. त्यांनी आज संध्याकाळी बैठक होण्याची शक्यता व्यक्त केली.
जिल्हा पंचायत निवडणुकांबाबत निर्णय घेण्यासाठी काँग्रेसने एक समिती स्थापन केली आहे.
प्रदेश काँग्रेस अध्यक्ष अमित पाटकर, विधानसभेचे नेते युरी आलेमाव, उपाध्यक्ष एम.के. शेख, आमदार कार्लोस फरेरा आणि आमदार अॅल्टोन डीकोस्टा हे समितीचे सदस्य आहेत.
