चेन्नई : लखनौ सुपर जायंट्सने चेन्नई सुपर किंग्जचा ६ गडी राखून पराभव केला. लखनौसाठी मार्कस स्टॉयनिसने चमकदार कामगिरी केली. त्याने नाबाद शतक झळकावले. ६३ चेंडूंचा सामना करताना त्याने नाबाद १२४ धावा केल्या. त्याने १३ चौकार आणि ६ षटकार मारले. पुरनने १५ चेंडूंत ३४ धावा केल्या. दीपक हुडाने ६ चेंडूंत नाबाद १७ धावा केल्या.
प्रथम फलंदाजी करताना चेन्नईने २१० धावा केल्या. यादरम्यान ऋतुराज गायकवाडने नाबाद १०८ धावा केल्या. शिवम दुबेने ६६ धावांची शानदार खेळी केली. यादरम्यान लखनऊकडून मॅट हेन्री, मोहसीन खान आणि यश ठाकूर यांनी प्रत्येकी १ बळी घेतला.
चेन्नईने दिलेल्या लक्ष्याचा पाठलाग करताना लखनौने १९.३ षटकात सामना जिंकला. स्टॉयनिसने ६३ चेंडूत नाबाद १२४ धावा केल्या. यादरम्यान चेन्नईकडून पाथीरानाने २ बळी घेतले. चहर आणि मुस्तफिझूरला प्रत्येकी एक विकेट मिळाली.
लखनौ सुपर जायंट्सविरुद्धच्या सामन्यात चेन्नई सुपर किंग्जने प्रथम खेळताना २१० धावा केल्या. चेन्नईकडून सर्वाधिक धावा कर्णधार ऋतुराज गायकवाडने केल्या. त्याने ५६ चेंडूत झंझावाती शतक झळकावले. त्याने या सामन्यात ६० चेंडूंत १०८ धावा केल्या, ज्यात १२ चौकार आणि ३ षटकारांचा समावेश होता.
शिवम दुबेसोबतच्या ऋतुराजच्या १०४ धावांच्या भागीदारीमुळे चेन्नई सुपर किंग्जला २१० धावांपर्यंत मजल मारता आली. अजिंक्य रहाणे अवघ्या १ धावा करून बाद झाल्याने चेन्नईची सुरुवात चांगली झाली नाही. तर डॅरिल मिशेलही केवळ ११ धावा करून पॅव्हेलियनमध्ये परतला. ५० धावांत संघाचे २ विकेट पडल्या होत्या. अशा स्थितीत रवींद्र जडेजाने १९ चेंडूत १६ धावांचे योगदान दिले.
एका बाजूने विकेट पडत होत्या, पण कर्णधार गायकवाड क्रीजवर उभा होता. १२ व्या षटकात १०१ धावांवर रवींद्र जडेजाच्या रूपाने संघाची तिसरी विकेट पडली. मात्र येथून शिवम दुबे आणि ऋतुराज गायकवाड यांच्या स्फोटक भागीदारीने लखनौच्या गोलंदाजीचे कंबरडे मोडले. दोन्ही फलंदाजांनी मिळून पुढच्या ४७ चेंडूत १०४ धावा केल्या. एकीकडे गायकवाडने शतक झळकावले, तर दुबेने अवघ्या २७ चेंडूत चौकार आणि षटकार लगावत ६६ धावा केल्या. या झंझावाती खेळीत त्याने ३ चौकार आणि ७ षटकारही मारले. महेंद्रसिंग धोनी शेवटच्या चेंडूवर क्रीजवर होता. त्याने चौकार मारून चेन्नईला २१० धावांपर्यंत नेले.
शेवटच्या ५ षटकांत ७५ धावा
विशेषत: दुसऱ्या टाइमआऊटनंतर चेन्नईच्या फलंदाजांनी आक्रमक पवित्रा स्वीकारला. याच कारणामुळे चेन्नईने शेवटच्या ५ षटकांत ७५ धावा केल्या. दरम्यान, यश ठाकूरने २ षटकांत ३५ धावा दिल्या होत्या. १९वे षटक टाकण्यासाठी आलेल्या मोहसीन खाननेही १७ धावा केल्या, त्याच षटकात शिवम दुबेने २२ चेंडूत अर्धशतक पूर्ण केले. लखनौच्या गोलंदाजीबद्दल बोलायचे झाले तर केवळ मॅट हेन्री, मोहसीन खान आणि यश ठाकूर यांना प्रत्येकी १ बळी घेता आला.
