उत्तर गोव्यात १३, तर दक्षिण गोव्यात ६ उमेदवारांना संधी
पणजी: आगामी जिल्हा पंचायत निवडणुकांसाठी भारतीय जनता पक्षाने जोरदार मोर्चेबांधणीला सुरुवात केली असून, आज रविवार ३० नोव्हेंबर रोजी पक्षाने आपल्या १९ उमेदवारांची पहिली यादी जाहीर केली आहे. यामध्ये उत्तर गोव्यातील १३ मतदारसंघांचा, तर दक्षिण गोव्यातील ६ मतदारसंघांचा समावेश आहे.
उत्तर गोव्यातील उमेदवार
भाजपने उत्तर गोव्यातील १३ मतदारसंघांसाठी उमेदवारांची नावे निश्चित केली आहेत. यामध्ये कोलवाळमधून सपना मापारी, सिरसईतून सागर मावळणकर, कळंगुटमधून फ्रान्झिलिया सेलीन (फ्रान्सिस्को) रॉड्रिग्ज यांना उमेदवारी देण्यात आली आहे.
याव्यतिरिक्त, सुकूरमधून अमित अस्नोडकर, रेईश मागूशमधून रेश्मा बांदोडकर, पेन्हा द फ्रान्समधून संदीप साळगावकर, ताळगावातून रघुवीर कुंकळेकर आणि खोर्ली मतदारसंघातून सिद्धेश नाईक यांना उमेदवारी देण्यात आली आहे. तसेच लाटंबार्शेसाठी पद्माकर माळी यांच्या नावाचा समावेश आहे.
याव्यतिरिक्त, पाळी मतदारसंघातून सुंदर नाईक, होंडा मतदारसंघातून नामदेव च्यारी, केरीमधून निलेश परवार आणि नगरगावातून प्रेमनाथ दळवी यांच्या नावावर शिक्कामोर्तब झाले आहे.
दक्षिण गोव्यातील उमेदवार
दक्षिण गोव्यातील ६ जागांसाठी भाजपने आपले उमेदवार जाहीर केले आहेत.अन्य मतदारसंघांमध्ये उसगाव-गांजेमधून समिक्षा नाईक, बेतकी-खांडोळामधून श्रमेश भोसले, कुर्टीमधून प्रीतेश गावकर यांना उमेदवारी मिळाली आहे. सावर्डेमधून मोहन गावकर आणि शेल्डे मतदारसंघातून श्रीधर गावस देसाई यांना उमेदवारी देण्यात आली आहे.सांकवाळमधून सुनिल गावस यांना रिंगणात उतरवण्यात आले आहे.
पक्षाने जाहीर केलेल्या या पहिल्या यादीमुळे आता निवडणुकीच्या राजकारणाला वेग आला असून, लवकरच उर्वरित जागांसाठीही उमेदवारांची नावे जाहीर होईल.
