साहित्य
* २ मोठ्या वाट्या उकडलेले छोले
* १ बारीक चमचा जिरं
* २ तमालपत्र (तमाल पत्री)
* २ बारीक चिरलेले कांदे
* २ ते ३ बारीक चिरलेले टोमॅटो
* १ चमचा आलं-लसूण पेस्ट
* १ चमचा धने पूड
* १ चमचा गरम मसाला
* तिखटानुसार लाल तिखट
* १ बारीक चमचा बेसन
* १ चमचा छोले मसाला
* चवीनुसार मीठ
* बारीक चिरलेली कोथिंबीर
* तेल
* पाणी
कृती
प्रथम एका भांड्यात ३ ते ४ चमचे तेल तापत ठेवा.
तेल तापले की, त्यात जिरं घाला आणि ते छान तडतडले की, त्यात बारीक चिरलेला कांदा व तमालपत्र घाला. कांदा मऊ होईपर्यंत परतून घ्या.
कांदा मऊ झाला की, त्यात बारीक चिरलेले टोमॅटो घाला व टोमॅटो मऊ होईपर्यंत परतून घ्या.
आता यात सगळे मसाले - आलं-लसूण पेस्ट, धने पूड, गरम मसाला, लाल तिखट, छोले मसाला, बेसन - घाला आणि पाच ते सहा मिनिटे मसाल्याला छान वास सुटेपर्यंत परतून घ्या.
आता यात उकडलेले छोले, तुमच्या आवडीनुसार पाणी, चवीपुरते मीठ आणि खूप सारी बारीक चिरलेली कोथिंबीर घाला.
हे मिश्रण पंधरा ते वीस मिनिटे मंद गॅसवर शिजत ठेवा.
हा छोले मसाला तुम्ही पाव, चपाती, पराठा, पुरी यांसारख्या पदार्थांबरोबर खाऊ शकता.
संचिता केळकर
