पणजीतील कला अकादमीत होणार युवा महोत्सव
पणजी : गोव्यातील क्रीडा व युवा व्यवहार संचालनालयाने (Directorate of Sports and Youth Affairs) तरुणाईच्या कला व उर्जेला वाव देण्यासाठी १ व २ डिसेंबर रोजी २२ व्या युवा महोत्सवाचे (Youth Festival) आयोजन केले आहे. त्यात लोकनृत्य, फोटोग्राफी, रांगोळी विज्ञान मेळा (दोन दिवस), लोक गीतगायन, कथा लेखन, कविता लेखन, रंगकाम अशा विविध स्पर्धा होणार आहेत. पणजीतील कला अकादमीत (Kala Academy, Goa) युवा महोत्सव होणार आहे.
लोक नृत्य स्पर्धेचे नियम व अटी
लोक नृत्य स्पर्धेत एका पथकात केवळ १३ जणांनाच सहभागी होता येणार आहे. त्यात मुले, मुली व मिश्र गट करून सहभागी होता येणार आहे. नृत्य हे लोकनृत्य असावे (भारतीय पद्धतीचे). सादरीकरणासाठी १५ मिनिटे एवढा वेळ मिळणार. सेट उभारण्यासाठी अतिरिक्त ५ मिनिटे मिळणार. पूर्वी रेकॉर्ड करून आणलेले संगीत, टेप, कॅसेट याला परवानी दिली जाणार नाही.
लोकगीत गायन (ग्रुप) स्पर्धा
एका पथकात १३ जणांना सहभागी येता येणार. मुले, मुली व मिश्र असा सहभाग घेता येणार. लोक गीते ही भारतीय संगीतातून घेतलेली असावीत व प्रादेशीक भाषेतील असावीत. चित्रपटातील गीतांना परवानगी नाही. सादरीकरणासाठी ७ मिनिटांचा वेळ मिळणार.
कथा लेखन स्पर्धा
प्रत्येकाला एकच कथा पाठवण्याची संधी. कथा राज्य स्तरावरील कोकणी, मराठी, हिंदी व इंग्रजी या भाषेत. राष्ट्रीय पातळीवरील हिंदी व इंग्रजी. कथा लिहिण्यासाठी ६० मिनिटांचा अवधी तर शब्द मर्यादा १ हजार शब्द.
रंगकाम स्पर्धा
रंगकाम स्पर्धेसाठी ’नशामुक्त युवा’ किंवा ‘निरोगी जीवनशैलीसाठी तरुणाई’ ही संकल्पना आहे.
वक्तृत्व स्पर्धा
‘आणीबाणीचा काळ आणि भारतात घटनेचे उल्लंघन’ व ‘लोकशाही आणि लोकशाही मूल्यांचे रक्षण करणे’ हे विषय आहेत.
कविता लेखन स्पर्धा
सहभागी होऊ इच्छिणारे केवळ एकच प्रवेशिका सादर करू शकणार. कविता लिहिण्यासाठी राज्य स्तरावर मराठी, कोकणी, हिंदी, इंग्रजी या भाषा तर राष्ट्रीय स्तरावर इंग्रजी व हिंदी.
रांगोळी स्पर्धा
स्पर्धकांना आपले साहित्य सोबत घेऊन यावे लागणार.
फोटोग्राफी स्पर्धेसाठी त्याच ठिकाणी संकल्पना जाहीर केली जाणार. स्पर्धेच्या नियम व अटींच्या अधिक माहितीसाठी क्रीडा व युवा व्यवहार खात्याकडे संपर्क साधावा.
दरम्यान, १ डिसेंबर रोजी सकाळी १०.३० वाजता मुख्यमंत्री डॉ. प्रमोद सावंत यांच्याहस्ते कार्यक्रमाचे उद्घाटन होणार आहे. यावेळी क्रीडामंत्री रमेश तवडकर, महसूलमंत्री आतांसिवो मोन्सेरात व अधिकारी उपस्थित राहणार आहेत.
२ डिसेंबर रोजी समारोप सोहळा होणार आहे. त्यावेळी प्रमुख पाहुणे म्हणून मुख्यमंत्री डॉ. प्रमोद सावंत, क्रीडामंत्री रमेश तवडकर व महसूलमंत्री आतांसिवो मोन्सेरात उपस्थित रहाणार आहे.
