गतविजेत्या रोझरी कॉलेज ऑफ कॉमर्स अँड आर्ट्स, नावेलीवर २-० ने मात
विजेता पणजी येथील डॉन बॉस्को कॉलेजचा संघ.
पणजी : पणजी डॉन बॉस्को विद्यालयाने गोवा विद्यापीठातर्फे ताळगाव पठारावर विद्यापीठाच्या मैदानावर आयोजित करण्यात आलेल्या गोवा विद्यापीठ आंतर-महाविद्यालयीन फुटबॉल महिला अजिंक्यपद स्पर्धेचे विजेतेपद पटकावले.
बुधवारी झालेल्या सामन्यात डॉन बॉस्को कॉलेज, पणजीने गतविजेत्या रोझरी कॉलेज ऑफ कॉमर्स अँड आर्ट्स, नावेलीवर २-० ने विजय मिळवला आणि चषकावर नाव कोरले.
पूर्वार्धात दोन्ही संघ संतुलित लढतीत गुंतलेले दिसले. दोन्ही बाजूने प्रारंभिक गोल सुरक्षित करण्यासाठी आक्रमण आणि बचावात्मक प्रयत्न करण्यात आले. तथापि, अनेक प्रयत्न करूनही, दोन्ही बचावफळी मजबूत राहिल्याने स्कोअर गोल शून्य बरोबरीत राहिला. उत्तरार्धात दोन्ही संघांनी एकमेकांवर वरचढ होण्याचा प्रयत्न केला. ७०व्या मिनिटाला, डॉन बॉस्को कॉलेजतर्फे फ्लानी कोस्टाने पहिला गोल केला. रोझरी कॉलेजने बरोबरी साधण्यासाठी आणि डॉन बॉस्कोकडून पुढील गोल रोखण्यासाठी सर्वतोपरी प्रयत्न केले, परंतु ८४ व्या मिनिटाला, ब्लेसिका रॉड्रिग्सने डॉन बॉस्कोतर्फे दुसरा गोल नोंदवला.
या कार्यक्रमात सन्माननीय अतिथी डॉ. फ्रान्सिस लोबो, रोझरी कॉलेजमधील शारीरिक शिक्षण आणि क्रीडा महाविद्यालयाचे संचालक सिनोरा पिकार्डो, कार्मेल कॉलेजच्या शारीरिक शिक्षण आणि क्रीडा महाविद्यालयाचे संचालक रायन परेरा, डॉन बॉस्को कॉलेज, पणजीचे शारीरिक शिक्षण आणि क्रीडा आणि गोवा विद्यापीठातील शारीरिक शिक्षण आणि क्रीडा सहायक संचालक बालचंद्र बी. जादर. फुटबॉल प्रशिक्षक जेरोमिका कुलासो यावेळी उपस्थित होते.
बॉक्स
स्वेलेन फर्नांडिस सर्वोत्कृष्ट खेळाडू
चॅम्पियनशिपमधील सर्वोत्कृष्ट खेळाडूचा पुरस्कार रोझरी कॉलेज ऑफ कॉमर्स अँड आर्ट्स, नावेलीच्या स्वेलेन फर्नांडिस हिला देण्यात आला.गोवा विद्यापीठाचे शारीरिक शिक्षण आणि क्रीडा विभागाचे माजी सहायक संचालक मिल्टन फर्नांडिस यांच्या प्रमुख उपस्थितीत बक्षीस वितरण करण्यात आले.
