करोना साथीच्या आजारामुळे सिनेमा हॉल बंद झाल्यानंतर या वर्षी प्रदर्शित झालेल्या फक्त दोन बॉलिवूड चित्रपटांनी बॉक्स ऑफिसवर चांगली कमाई केली आहे. आश्चर्याची गोष्ट म्हणजे दोन्ही मसाला चित्रपट नव्हते. विवेक अग्निहोत्रीचा 'द काश्मीर फाइल्स' आणि संजय लीला भन्साळीचा 'गंगूबाई काठियावाडी' वगळता, या वर्षी प्रदर्शित झालेल्या सर्व चित्रपटांनी बॉक्स ऑफिसवर निराशाजनक कामगिरी केली आहे. अक्षय कुमारचा 'बच्चन पांडे' असो किंवा अजय देवगणचा 'रनवे ३४' असो, आतापर्यंत एकाही मोठ्या स्टारला तिकीट खिडकीवर आपली छाप पाडता आलेली नाही.
यामुळेच या आठवड्यात दोन आगामी चित्रपटांची टक्कर अधिक रोमांचक बनते. रिलीजपूर्वी, असे दिसून आले आहे की लोक दोन्ही चित्रपटांबद्दल खूप जागरुक आहेत, ज्याचा फायदा ओपनिंगच्या दिवशी दोघांना होऊ शकतो. यासोबतच या चित्रपटांचे प्रमोशन आणि मार्केटिंगही योग्य वेळी सुरू करण्यात आले होते, त्यामुळे लोक दोन्ही चित्रपट पाहण्यास उत्सुक आहेत. अनीस बज्मीचा 'भूल भुलैया २' हा एक कौटुंबिक चित्रपट आहे आणि तो संपूर्ण मनोरंजन करणारा चित्रपट आहे. दुसरीकडे ज्यांना हॉलिवूड स्टाईल एंटरटेनमेंट बघायला आवडते अशा लोकांची 'धाकड'वर नजर आहे.
कोण मारणार पहिल्याच दिवशी बाजी
दोन्ही चित्रपटांचे प्रमोशन पाहता 'धाकड' आणि 'भूल भुलैया २' बॉक्स ऑफिसवर जवळपास १५ कोटींची कमाई करू शकतात, असे मानले जाते. तसे झाल्यास, तो वर्षातील सर्वोत्तम शुक्रवार असेल. यावर्षी बॉलिवूडमधील सर्वात मोठा ओपनर 'बच्चन पांडे' आहे, ज्याने १३.२५ कोटींची कमाई केली आहे. अंदाजानुसार, 'भूल भुलैया २' आणि 'धाकड' दरम्यान हा आकडा आरामात ओलांडला पाहिजे.
कार्तिक आर्यन स्टारर 'भूल भुलैया २' दुहेरी आकड्यासह ओपन करू शकतो. कार्तिक-कियाराने या चित्रपटासाठी भरपूर प्रमोशन केले आहे. याच कारणामुळे हा चित्रपट पहिल्याच दिवशी ११ कोटींचा गल्ला जमवू शकतो. तर दुसरीकडे कंगना राणौतनेही 'धाकड' बातम्यांमध्ये ठेवण्यासाठी कोणतीही कसर सोडलेली नाही. बॉक्स ऑफिसवर हा चित्रपट ४ कोटींची कमाई करू शकतो.
