करोनामुळे सिनेमागृहांवर निर्बंध : प्रेक्षकांसाठी नेटफ्लिक्स, अमेझॉन, हॉटस्टार सज्ज
महामारीमुळे अनेक राज्यांतील सिनेमागृहांवर पुन्हा एकदा निर्बंध लादण्यात आले आहेत. त्यामुळे अनेक मोठ्या चित्रपटांचे प्रदर्शन पुढे ढकलण्यात आले आहे. लोक आता मनोरंजनासाठी ओटीटीकडे वळत आहेत. पुढील १० दिवसांमध्ये, तुम्ही ओटीटी प्लॅटफॉर्मवर ‘डिटेक्टिव बुमराह’, ‘पुष्पा’ आणि ‘ये काली काली आंखे’ सारख्या काही मनोरंजक चित्रपट आणि वेब सीरिजचा आनंद घेऊ शकाल. हे सर्व चित्रपट आणि वेब सीरिज येत्या १० दिवसांत ओटीटी प्लॅटफॉर्मवर प्रदर्शित होतील.
पुष्पा
तेलुगू, तामिळ, मल्याळम आणि कन्नड नंतर अल्लू अर्जुन आणि रश्मिका मंधाना यांचा चित्रपट 'पुष्पा: द राइज-पार्ट १' आता अमेझॉन प्राइम व्हिडिओवर हिंदी भाषेत प्रदर्शित होण्यासाठी सज्ज झाला आहे. हा चित्रपट १४ जानेवारी २०२२ रोजी ओटीटी प्लॅटफॉर्म 'अमेझॉन प्राइम व्हिडिओवर' वर प्रदर्शित होणार आहे.
डिटेक्टिव्ह बुमराह
'डिटेक्टिव्ह बुमराह' ही वेबसीरिज एका हरवलेल्या माणसाच्या कथेवर आधारित आहे. चित्रपट निर्माते सुधांशू राय यांची मालिका २१ जानेवारी २०२२ रोजी रिलीज होणार आहे. मीडिया रिपोर्ट्सनुसार, सुधांशू रायने स्वतः डिटेक्टिव्ह बुमराहची भूमिका साकारली आहे. या संदर्भात, सुधांशू लवकरच नेटफ्लिक्स, अमेझॉन प्राइम, डिझने हॉटस्टर इत्यादी आघाडीच्या ओटीटी प्लॅटफॉर्मशी बोलणी सुरू करणार आहे.
ह्यूमन
शेफाली शाह आणि कीर्ती कुल्हारी स्टारर मालिका 'ह्यूमन' १४ जानेवारी २०२२ रोजी डिस्ने प्लस हॉटस्टारवर प्रीमियरसाठी सज्ज आहे. हे एक वैद्यकीय नाटक आहे. शेफाली आणि कीर्ती या अभिनेत्रींच्या उपस्थितीमुळे प्रेक्षकांना वेब सीरिजकडून मोठ्या अपेक्षा आहेत.
ये काली काली आँखे
'८३' चित्रपटात आपल्या अभिनयाने सर्वांचे लक्ष वेधून घेणारा ताहिर राज भसीन आता नेटफ्लिक्सच्या 'ये काली काली आँखे' या मालिकेत दिसणार आहे. यात श्वेता त्रिपाठी आणि आंचल सिंग यांच्याही महत्त्वाच्या भूमिका आहेत. ही मालिका १४ जानेवारी २०२२ रोजी प्रदर्शित होणार आहे.
आफ्टर लाईफ
आफ्टर लाईफ या अमेरिकन टीव्ही मालिकेचा तिसरा सीझन टोनी जॉन्सनच्या जीवनावर आधारित आहे, ज्याने आपली पत्नी स्तनाच्या कर्करोगाने गमावली. ही मालिका १४ जानेवारी २०२२ रोजी नेटफ्लिक्स वर रिलीज होणार आहे. टोनी त्याच्या पत्नीच्या मृत्यूनंतर एक जीवन जगू लागतो जेथे इतर त्याच्याबद्दल काय विचार करतात याची त्याला पर्वा नसते.
टू हॉट टु हँडल
‘टू हॉट टु हँडल’ या रिअॅलिटी टीव्ही शोच्या दोन यशस्वी सीझननंतर आता तिसरा सिझनही रिलीज होण्याच्या तयारीत आहे. हा शो एकाच हवेलीत एकत्र राहणाऱ्या सुंदर लोकांबद्दल आहे. हा सीझन १९ जानेवारी २०२२ रोजी नेटफ्लिक्स वर रिलीज होईल.
ओझार्क
'ओझार्क' या वेब सीरिजचा चौथा आणि शेवटचा सीझन नेटफ्लिक्सवर २१ जानेवारीला रिलीज होत आहे. मागील सीझनप्रमाणे या सीझनमध्ये १४ एपिसोड्स असतील. मात्र, त्याचे दोन भाग करण्याचा निर्णय घेण्यात आला आहे. मीडिया रिपोर्ट्सनुसार, त्याचा दुसरा भाग काही वेळाने रिलीज होणार आहे.
