टायगर श्रॉफने अलीकडेच त्याच्या कुटुंबासाठी एक नवीन ८ बीएचके फ्लॅट खरेदी केला आहे. टायगर श्रॉफने २०१४ मध्ये चित्रपटसृष्टीत पदार्पण केले. टायगर श्रॉफ कोट्यवधी रुपयांच्या मालमत्तेचा मालक आहे.
टायगर श्रॉफचा जन्म २ मार्च १९९० रोजी मुंबई, महाराष्ट्र येथे झाला आणि टायगरचे खरे नाव जय हेमंत श्रॉफ आहे. टायगरचे वडील जॅकी श्रॉफ हे बॉलिवुड फिल्म इंडस्ट्रीतील प्रसिद्ध अभिनेते आहेत आणि त्याच्या आईचे नाव आयेशा श्रॉफ आहे. ती एक फिल्म प्रोड्यूसर आहे. टायगर श्रॉफलाही एक बहीण आहे, तिचे नाव कृष्णा श्रॉफ आहे.
टायगर श्रॉफने ‘हिरोपंती’ या चित्रपटातून पदार्पण केले. या चित्रपटात त्याच्या सोबत क्रिती सेनन होती. नेट वर्थबद्दल बोलायचे तर वयाच्या ३१ व्या वर्षी टायगर श्रॉफने १०४ कोटींची कमाई केली आहे. चित्रपटांव्यतिरिक्त टायगर श्रॉफ अनेक ब्रँडचा ब्रँड अॅम्बेसेडर आहे. फी-बद्दल बोलायचे झाले तर टायगर श्रॉफ त्याच्या आगामी चित्रपटासाठी ३० कोटी रुपये घेत आहे. २०१९ मध्ये आलेला ‘वॉर’ हा चित्रपट त्याच्या कारकिर्दीतील सर्वाधिक कमाई करणारा चित्रपट होता.
असा आहे कार संग्रह
वडील जॅकी श्रॉफप्रमाणे टायगर श्रॉफ देखील लक्झरी वाहनांचा शौकीन आहे. टायगरकडे एक कोटी रुपयांची बीएमडब्ल्यू एम-५ गाडी आहे. याशिवाय टायगर श्रॉफकडे बेंटले कॉन्टिनेंटल जीटी, टोयोटा इनोव्हा यांसारख्या कारही आहेत. टायगरकडे मर्सिडीज बेंझ ई २२० डी, एसएस जगुआर १०, रेंज रोव्हर आणि कोट्यवधी रुपयांची विंटेज कार आहे.
३१ कोटींचे घर
टायगर श्रॉफचा हा ८ बीएचके अपार्टमेंट सुमारे ३१ कोटी रुपयांना बुक केला होता. कार्टर रोडवर टायगरचे घरही आहे. टायगरचे कुटुंब या ४ बीएचके अपार्टमेंटमध्ये राहत होते. टायगर श्रॉफच्या कुटुंबाचे खंडाळ्यात हॉलिडे होम आहे जे ५ स्टार रिसॉर्टपेक्षा कमी नाही. वर्कफ्रंटबद्दल बोलायचे झाले तर टायगर श्रॉफ आता ‘गणपत’ आणि ‘हिरोपंती २’ या चित्रपटात दिसणार आहे.
